اسلام آباد: بانی پاکستان تحریک انصاف (پی ٹی آئی) اور سابق وفاقی وزیر فواد چوہدری کے خلاف توہین الیکشن کمیشن کیس 3 ماہ بعد سماعت کیلیے مقرر کر دیا گیا۔
الیکشن کمیشن بینچ 25 جون کو کیس کی سماعت کرے گا جس میں بانی پی ٹی آئی اور فواد چوہدری کے خلاف شواہد ریکارڈ کیے جائیں گے۔
3 جنوری کو توہین الیکشن کمیشن کیس کی سماعت اڈیالہ جیل میں ہوئی تھی جس میں میں سابق وزیر اعظم اور فواد چوہدری پر فرد جرم عائد کی گئی تھی۔
- Advertisement -
ممبران نے فرد جرم عائد کرنے کی کارروائی کا آغاز کرتے ہوئے بانی پی ٹی آئی اور فواد چوہدری پر فرد جرم عائد کی تھی اور یہ فرد جرم دوران سماعت ملزمان کو پڑھ کر سنائی گئی تھی جس کے بعد سماعت 16 جنوری تک ملتوی کر دی گئی تھی۔
واضح رہے کہ توہین الیکشن کمیشن کیس کا اوپن ٹرائل کرنے کیلیے فواد چوہدری کی جانب سے درخواست بھی دائر کی گئی تھی۔
