لاہور: پاکستان تحریک انصاف نے حکومت سے مذاکرات کے لئے ٹیم تشکیل دے دی ہے جس کا نوٹی فیکیشن بھی جاری کردیا گیا ہے۔
اے آر وائی نیوز کے مطابق عمران خان کی ہدایت پر حکومت سے مذاکرات کے لئے ٹیم تشکیل دی گئی ہے، مذاکراتی ٹیم میں شامل افراد کے ناموں سے نوٹی فیکیشن جاری کردیا گیا ہے۔
سات ارکان پر مشتمل ٹیم عام انتخابات سے متعلق حکومت کے ساتھ لائحہ عمل طے کرے گی، کمیٹی میں شاہ محمود قریشی،پرویزخٹک،اسد قیصر،حلیم عادل شیخ ،عون عباس،مراد سعید اور حماد اظہر شامل ہیں۔
- Advertisement -
اس سے قبل پی ٹی آئی مذاکراتی ٹیم میں شاہ محمود قریشی، فواد چوہدری اور بیرسٹر علی ظفرشامل تھے جبکہ حکومت کی جانب سے یوسف رضا گیلانی، وزیر خزانہ اسحاق ڈار، کشور زہرہ و دیگر شامل تھے ۔
تاہم دونوں بڑی جماعتوں کے اپنے اپنے مؤقف سے ہٹنے سے انکار کرنے کے بعد مذاکرات بغیر کسی پیش رفت کے ختم ہوگئے تھے۔
