لاہور : بانی پی ٹی آئی کو 9 مئی کے 4 مقدمات میں ضمانت مل گئی، انسداد دہشت گردی عدالت کے جج ارشد جاوید نے فیصلہ سنایا۔
تفصیلات کے مطابق انسداد دہشت گردی عدالت کے جج ارشد جاوید نے بانی پی ٹی آئی کی 9 مئی کے 4 مقدمات میں درخواست ضمانت پر سماعت کی۔
اےٹی سی میںراسیکیوٹر جنرل پنجاب فرہاد علی نے دلائل میں درخواستوں کی مخالفت کرتے ہوئے کہا بانی پی ٹی آئی نے یہ سارا بیانیہ بنایا کہ اگر گرفتاری ہو تو یہ سارا کچھ کرنا ہے۔
فرہاد علی کا کہنا تھا کہ قیادت نے بانی پی ٹی آئی کی ہدایات کےمطابق حساس تنصیبات پر حملے کئے، بڑی ادب سے استدعا ہے ملزم بانی پی ٹی آئی کی ضمانتیں خارج کی جائیں۔
جس پر وکیل عمران خان کا کہنا تھا کہ پراسیکیوشن نے حقائق کے برعکس دلائل دیے ہیں ، جونئیر وکیل نے استدعا کی عدالت ان ضمانتوں میں ایک تاریخ دے دے ،سینئر وکیل بیرسٹر سلمان صفدر سوموار کو آ جائیں گے ،ہمارے سامنے ایک نیا پوائنٹ آیا ہے جس پر دلائل دینے ہیں تو عدالت نے کہا کہ آپ تحریری درخواست دے دیں کہ مزید دلائل دینے ہیں۔
اے ٹی سی نے بانی پی ٹی آئی کی 9 مئی کے 4 مقدمات میں ضمانت منظورکر لی، انسداد دہشت گردی عدالت کے جج ارشد جاوید نے فیصلہ سنایا ، ن لیگ دفتر، کلمہ چوک پر کنٹینر جلانے سمیت دیگر مقدمات میں ضمانت منظور کی گئی۔
