کراچی: پاکستان پیپلزپارٹی کے رہنما منظور وسان نے پاکستان تحریک انصاف کے چیئرمین عمران خان سے متعلق پیش گوئی کردی۔
اے آر وائی نیوز کے مطابق پی پی رہنما منظور وسان نے پیش گوئی کی ہے کہ عمران خان کے لیے مشکل ہی مشکل نظر آرہی ہے وہ اس سال بلوچستان یا سندھ کے کسی جیل میں ہوں گے۔
پی پی رہنما نے کہا کہ جب بی اے پی اور ایم کیو ایم ان کو دی جارہی تھی تب انہوں نے کیوں خاموشی اختیار کی ہوئی تھی، 31 نشستوں سے انہیں 152 سیٹیں بنا کر دی گئیں۔
منظور وسان مزید کہا کہ ’ایسا ہی ہوتا ہے جیسی کرنی ویسی بھرنی۔‘
واضح رہے کہ نومبر میں وفاقی وزیر داخلہ راناثنااللہ نے کہا تھا کہ عمران خان کو گرفتار کر کے بلوچستان کی مچھ جیل میں مرچی وارڈ میں رکھوں گا۔
ان کا کہنا تھا کہ اخترمینگل نےوعدہ لیا ہےعمران خان کوگرفتار کیا تو مچھ جیل میں رکھیں گے کابینہ میری بات پر توجہ دیتی تو عمران خان گرفتار ہو چکاہوتا اور فتنہ سر نہ اٹھاتا۔
راناثنااللہ نے کہا تھا کہ عمران خان کے پاس اختیارات تھے اسی لیے انہوں نےجھوٹےکیسز بنوائے وہ اب جھوٹ کہتے ہیں نیب پر ان کےاختیارات نہیں تھے انہوں نے نےآخری حدتک مجھےانتقام کانشانہ بنانےکی کوشش کی۔
