The news is by your side.

Advertisement

عمران خان بے روزگار اور فارغ آدمی ہیں، مریم نواز

لاہور: وزیراعظم کی صاحب زادی اور مسلم لیگ ن کی رہنما مریم نواز شریف نے کہا ہے کہ لیگی کارکنان رائے ونڈ دھرنے کو زیادہ اہمیت نہ دیں اور پر امن رہیں، عمران خان بے روزگار اور فارغ آدمی ہیں ان کے پاس ضائع کرنے کے لیے بہت وقت ہے۔

ان خیالات کا اظہار انہوں نے سماجی رابطے کی ویب سائٹ پر ایک ٹوئٹ کے ذریعے کیا۔ مریم نواز نے کارکنان کو پرامن رہنے کی تلقین کرتے ہوئے کہا کہ ’’رائے ونڈ دھرنے کو زیادہ اہمیت نہ دیں اور پرامن رہیں‘‘۔

انہوں نے مزید کہا کہ ’’عمران خان بے روزگار اور فارغ انسان ہیں اُن کے پاس ضائع کرنے کے لیے بہت سارا وقت ہے‘‘۔

پڑھیں:  رائیونڈ مارچ اور جلسہ 100 فیصد ہوگا، عمران خان

 یاد رہے کہ تحریک انصاف کی جانب سے کرپشن کے خلاف احتساب مارچ کا آغاز کیا گیا ہے جس کا اگلا رخ رائے ونڈ کی طرف ہوگا، چیئرمین تحریک انصاف اس مارچ کے حوالے سے اتوار کے روز مکمل حکمتِ عملی سے آگاہ کریں گے‘‘۔

مزید پڑھیں:  رائیونڈ مارچ روکنے کیلئے مسلم لیگ یوتھ ونگ کی ڈنڈا بردار فورس قائم

 تحریک انصاف کی قیادت نے ہر صورت رائے ونڈ جانے کا اعلان کیا ہے جہاں عمران خان اپنے اگلے لائحہ عمل کا اعلان کریں گے جبکہ طاہر القادری نے رائے ونڈ مارچ کی مخالفت کرتے ہوئے اس ریلی میں شرکت کرنے سے انکار کردیا ہے۔

خبر پڑھیں:    خیبرپختونخوا سمبلی پر لیگی کارکنان کا دھاوا، پارٹی پرچم لہرا دئیے

 دوسری جانب مسلم لیگ کے ڈنڈا بردار کارکنان کی بڑی تعداد اپنے قائد کے دفاع کے لیے میدان میں نکل آئی اور انہوں نے رائے ونڈ پہنچنا شروع کردیا ہے۔ قبل ازیں خیبر پختون خوا میں مسلم لیگ کے کارکنان کی جانب سے اسمبلی کے باہر احتجاجی مظاہر کیا گیا تھا، جس میں مشتعل مظاہرین نے اسمبلی پر دھاوا بولتے ہوئے بلڈنگ پر پارٹی پرچم لگا دئیے تھے۔
Print Friendly, PDF & Email

Comments

comments

یہ بھی پڑھیں