اسلام آباد : معاون خصوصی شہباز گل نے پیپلزپارٹی پر تنقید کرتے ہوئے کہا کہ کسی ملک میں کتے کے کاٹنے سے اتنے لوگ نہیں مرتے جتنے سندھ میں مرچکے ہیں۔
ان خیالات کا اظہار وزیراعظم عمران خان کے معاون خصوصی برائے سیاسی روابط ڈاکٹر شہباز گل نے پاکستان پیپلزپارٹی کی قیادت کو ہدف تنقید بناتے ہوئے کیا، ان کا کہنا تھا کہ 18 ویں ترمیم کے بعد سندھ کو پانچ ہزار ارب سے زائد ملے لیکن کوئی کام نہیں ہوا، یہ پیسہ کسی کے باپ کا نہیں ہے۔
انہوں پیپلزپارٹی کے سچے کارکنوں کو شہید محترمہ بے نظیر بھٹو کی سالگرہ پر مبارک باد پیش کی اور بلاول کو مخاطب کرتے ہوئے کہا کہ آپ کے باپ کے بھی متعدد کیمپ آفس تھے، پرچی والا بچہ اب کونسی سیاست کررہا ہے۔
- Advertisement -
معاون خصوصی کا مزید کہنا تھا کہ سندھ میں غربت بہت زیادہ ہے لیکن عمران خان مدینہ کی ریاست بنارہے ہیں، لنگر خانے بھی قائم کریں گے۔
