اسلام آباد : چیئرمین پی ٹی آئی عمران خان نے اسلام آباد ہائی کورٹ میں حاضری سے استثنیٰ کی درخواستیں دائر کردیں، جس میں سیکیورٹی کے خدشات کو وجہ قرار دیا گیا ہے۔

تفصیلات کے مطابق اسلام آباد ہائی کورٹ میں سابق وزیراعظم عمران خان نے8مقدمات میں حاضری سے استثنیٰ کیلئے 8الگ، الگ درخواستیں دائر کردیں۔

متفرق درخواستوں میں کہا گیا ہے کہ عمران خان کیخلاف 70سےزائد مقدمات پنجاب کی عدالتوں میں زیر سماعت ہیں، اور انہی لاہور ہائی کورٹ کے ڈویژن بینچ میں بھی پیش ہونا ہے۔

عمران خان نے اپنی درخواست میں مؤقف اختیار کیا ہے کہ سیکیورٹی کے خدشات کے پیش نظر اسلام آباد ہائی کورٹ نہیں آسکتا۔ لہٰذا استدعا ہے کہ آج حاضری سے استثنیٰ کی درخواست منظور کی جائے۔

چیف جسٹس عامر فاروق، جسٹس میاں گل حسن اورنگزیب ڈھائی بجے درخواست کی سماعت کریں گے۔

خیال رہے کہ عمران خان نے 8 کیسوں میں عبوری ضمانت پر ہیں۔سابق وزیراعظم نے سیکیورٹی واپس لینے پربھی عدالت عالیہ سے رجوع کررکھا ہے۔