وزیر دفاع خواجہ آصف نے بانی پی ٹی آئی عمران خان کے ملٹری کورٹ میں ٹرائل کا اشارہ دے دیا ہے۔
ایک مقامی نجی ٹی وی کو انٹرویو میں خواجہ آصف نے کہا کہ بانی پی ٹی آئی کے خلاف شواہد ملٹری ٹرائل کی طرف جا رہے ہیں اور فیض حمید کی خواہش ہوگی کہ سارا ملبہ عمران خان پر ڈالا جائے۔
وزیر دفاع نے کہا کہ 9 مئی کے واقعات کی منصوبہ بندی کہیں سے تو ہوئی تھی، یہ لازمی طور پر بانی پی ٹی آئی کی ہدایات تھیں۔
ان کا کہنا تھا کہ عمران خان کو اقتدار چھن جانے کا غم تھا تو فیض حمید کو بھی آرمی چیف نہ بننے کا غم تھا۔ اس سلسلے میں فیض حمید نے ن لیگی قیادت سے رابطہ کیا اور ضمانتیں بھی دی تھیں۔
