پشاور: چیئرمین پی ٹی آئی عمران خان کی زیر صدارت خیبرپختونخوا کی پارلیمانی بورڈ کےاجلاس کا احوال سامنے آگیا ہے۔
ذرائع کے مطابق عمران خان کی زیر صدارت اجلاس میں کے پی اسمبلی کے ہر حلقے سے تین سے چار نام پیش کئے گئے، حتمی فیصلہ عمران خان کرینگے۔
اجلاس میں فیصلہ کیا گیا کہ اگر کوئی ایم پی اے یا سابقہ وزیر کے خلاف کرپشن کے ثبوت ملے تو اسے ٹکٹ نہیں دیا جائے گا، اس صورت حال میں دس سے بارہ سابقہ ارکان اسمبلی کے کاز لسٹ سے آؤٹ ہونے کا خدشہ پیدا ہوگیا ہے۔
ذرائع کے مطابق اجلاس میں سابق وزیراعظم عمران خان نے سابق وزرائے اعلیٰ کے پی محمود خان، پرویزخٹک سمیت سابق صوبائی وزرا تیمورسلیم جھگڑا اوردیگر کو جیل بھروتحریک متحرک کرنے کی ہدایات کی۔
یہ بھی پڑھیں: پیشگوئی کر رہا ہوں مسلط ٹولہ بھاگنے کی تیاری میں ہے، عمران خان
ذرائع کا کہنا ہے کہ اجلاس میں عمران خان مطمئن اور پرعزم دکھائی دیئے،موجودہ گرفتاریوں سے ہمیں ڈرانے کی کوشش کی جارہی ہے،ہم سب پارٹی عہدیداراورکارکنان گرفتاریوں کیلئے تیار ہیں۔
اجلاس میں عمران خان نے جیل بھرو تحریک کیلئے تحصیل سطح پرتنظیموں کو متحرک کرنے کی ہدایات کرتے ہوئے کہا کہ کارکنان گرفتاریاں دینے کیلئے تیار رہیں، ہم جیلیں بھردیں گے۔
