اسلام آباد : وزیراعظم کے مشیر برائے ماحولیات ملک امین اسلم نے کہا ہے کہ وزیراعظم عمران خان سونامی مہم کے تحت کنڈیاں جنگل کی بحالی کا آغاز کریں گے۔ یہ بات انہوں نے اپنے ایک ویڈیو پیغام میں کہی۔
ملک امین اسلم نے کہا کہ وزیراعظم عمران خان کی ماحولیاتی تحفظ کے لئے کوششیں جاری ہیں، وزیراعظم کل جنگلات کی بحالی کے بڑے منصوبے کا آغاز کریں گے، انگریز دور میں بنایا گیا میانوالی کا کنڈیاں جنگل پھر سے آباد کرنے کی تیاریاں کی جارہی ہیں۔
انہوں نے کہا کہ وزیراعظم سونامی مہم کے تحت کنڈیاں جنگل کی بحالی کا آغاز کریں گے،4سال میں 10 ہزار ایکڑ بنجر رقبے پر جنگل پھر سے آباد ہوگا، بڑے پلانٹیشن فاریسٹ سے روزگار کے مواقع پیدا ہوں گے، گرین جابز کے لئے مقامی افراد سمیت نجی سیکٹر کو شراکت دار بنائیں گے۔
ملک امین اسلم نے بتایا کہ رواں سیزن50ہزار، اگلے4سال15لاکھ ملازمیتیں حاصل ہونگیں، سونامی مہم کے تحت4 سال میں ساڑھے3ارب درخت لگائے جائیں گے۔
رواں موسم بہار کے دوران ملک بھرمیں25کروڑ درخت لگائے جائیں گے، وزیراعظم کا پاکستان کو ہرا بھرا رکھنے کا ویژن ضرور پورا کیا جائے گا۔
