لندن : پاکستان تحریک انصاف کے سربراہ عمران خان نے کہا ہے کہ جمہوریت میں وزیراعظم پارلیمنٹ کو جواب دہ ہوتا ہے جبکہ وزیراعظم مغل اعظم بننے کی کوشش کررہے ہیں۔
ان خیالات کا اظہار انہوں نے لندن ائیر پورٹ پر میڈٰیا سے گفتگو کرتے ہوئے کیا، صحافیوں سے بات چیت کرتے ہوئے انہوں نے ایک بار پھر نواز شریف کوآڑے ہاتھوں لیا۔
کپتان کا کہنا تھا کہ جمہوریت میں وزیراعظم پارلیمنٹ کو جواب دہ ہیں، کپتان نے وزیراعظم کو مغل اعظم کے خطاب سے بھی نواز دیا، عمران خان نے لندن میں میڈیا کو اپنا فلیٹ بیچنے کی تفصیلات دکھائیں اور کہا کہ میں نے اکاؤنٹنٹ کے کہنے پر 1983ء میں آف شور کمپنی بنائی۔ اوراس زمانے میں کاونٹی کرکٹ کے پیسے سے لندن میں فلیٹ خریدا۔
انہوں نے بتایا کہ اسی کمپنی کے ذریعے فلیٹ خریدا اور بیچا تھا اس طرح کمپنی بنانا غیر قانونی عمل نہیں ہے۔ برطانیہ کا شہری نہیں تھا۔ اگر کمپنی نہ بناتا تو ٹیکس دینا پڑتا۔
چئیرمین تحریک انصاف کا کہنا تھا کہ ان کے تمام اثاثے ڈیکلئیر ہیں ۔اپنا لندن کا فلیٹ بیچ کر پیسہ پاکستان لایا تھا۔
