اسلام آباد : سابق صدر آصف زرداری کا کہنا ہے کہ انتخابات سے قبل عمران خان گرفتار یا نااہل ہوسکتے ہیں، پنجاب اورکے پی اسمبلیاں توڑی گئیں توالیکشن لڑیں گے۔
تفصیلات کے مطابق سابق صدر اور پیپلز پارٹی کے شریک چیئرمین آصف زرداری نے نجی ٹی وی چینل کو انٹرویو دیتے ہوئے کہا کہ انتخابات سے قبل عمران خان گرفتار یا نااہل ہوسکتے ہیں۔
آصف زرداری کا کہنا تھا کہ پنجاب اورکے پی اسمبلیاں توڑی گئیں توالیکشن لڑیں گے، پھر دیکھتاہوں پی ٹی آئی کتنےایم پی ایزبناتی ہے۔
پیپلز پارٹی کے شریک چیئرمین نے کہا کے اسمبلیاں نہیں توڑیں گے تو ہم اپوزیشن کا کردار ادا کرتےرہیں گے ، انشااللہ کےپی سمیت ہر جگہ تحریک عدم اعتماد لائیں گے، پی کے تھوڑے دوست گمراہ ہیں ، انہیں واپس لانا ہے۔
ان کا کہنا تھا کہ میں سمجھتا ہوں قبل ازوقت انتخابات سےجمہوریت مضبوط نہیں ہوگی ، ایسا طریقہ کریں گے استعفےنہ آئیں اور اسمبلیاں چلتی رہیں۔
