اسلام آباد : پاکستان تحریک انصاف سربراہ عمران خان کا کہنا ہے کہ آج ثابت ہوگیا کہ میں دہشت گردنہیں ہوں، اللہ پریقین ہےاگلی حکومت پی ٹی آئی کی ہوگی۔

تفصیلات کے مطابق چیئرمین پی ٹی آئی عمران خان نے چاروں مقدمات میں ضمانت منظور ہونے کے بعد صحافیوں سے غیررسمی گفتگو کرتے ہوئے کہا کہ ہر چیز کے لئے تیار ہوں ، آج ثابت ہوگیا کہ میں دہشت گرد نہیں ہوں، دہشتگردی کےقانون کوغلط استعمال کرناجمہوریت کونقصان دیگا، دہشت گردی کےقانون کو سیاسی مخالفین کیخلاف استعمال کیا گیا۔

عمران خان کا کہنا تھا کہ اللہ پریقین ہےاگلی حکومت پی ٹی آئی کی ہوگی، اگلی حکومت ملی توبہت سے معاملات کو حل کریں گے، نیب کو مضبوط اور کرمنل سسٹم کو ٹھیک کرناہے، آج کوئی بھی طاقتور پیسے دے کر جیل سے باہرنکل جاتا ہے، ملک میں انصاف کا نظام لانا ہے، نیب کو مضبوط کرنا ہے۔

چیئرمین پی ٹی آئی نے کہا کہ شریف برادران سعودی عرب جا کراین آر او کے چکر میں ہیں، نوازشریف کو این آراو ملا تو عدالت میں کہوں گا سب جیلیں کھول دیں، مجھ پر مقدمات اس لئے ہیں کہ میں ان سے جواب مانگ رہا ہوں، یہ لوگ ملک کا پیسہ چوری کرکے این آراو لینا چاہتے ہیں۔

مزید پڑھیں : عدالت نے گرفتاری کاحکم دیا تو گرفتاری دوں گا،عمران خان

انکا کہنا تھا کہ میں قانون کا لاڈلہ ہوں،ایک سال تک عدالت میں تلاشی دی، 40 سال پرانے ریکارڈ اور دستاویزات عدالت میں پیش کیے، مجھےکیوں نکالا سے ریکارڈ مانگا تو قطری خط پیش کر دیا گیا، نوازشریف کی کوشش ہےکوئی بھی اسےبچالے، نوازشریف اپنی چوری بچانے کیلئے پاکستان کی قربانی دینے کو تیار ہے۔

عمران خان نے کہا کہ ہمارامقابلہ سیاسی جماعت سےنہیں ایک مافیاسےہے، پاناماکیس آیا،برطانیہ نےوزیراعظم سےجواب طلب کیا، وزیراعظم نے جواب کے بجائے اپوزیشن لیڈر پر کیس نہیں کئے، میں ان سےسمجھوتہ کرلوں تو سارے کیس ختم ہوجائیں گے، مجھے کیوں نکالا 30ہزارکروڑ کا حساب ایک قطری خط سے دیتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔