اسلام آباد : چیئرمین پاکستان تحریک انصاف عمران خان نے "خودار جوان خودار پاکستان” مہم شروع کرنے کا اعلان کیا ہے۔
اس حوالے سے عمران خان نے فوکل پرسن برائے یوتھ افیئرزعثمان ڈار سے بنی گالہ میں ملاقات کی اور انہیں مذکورہ مہم متعارف کرنے کی ہدایت جاری کردی ہے۔
عثمان ڈار نے میڈیا کو بتایا کہ چیئرمین پی ٹی آئی عمران خان نے "خودار جوان خودار خودار پاکستان” مہم شروع کرنے کی منظوری دے دی۔
عمران خان کا نظریہ ایک خودار اور خود مختار پاکستان جو دوستی سب سے چاہتا ہے لیکن غلامی کسی کی نہیں کرے گا۔
قرار داد پاکستان کا سفر جس جگہ سے شروع ہوا تھا کل اسی مینار پاکستان گراؤنڈ پر پاکستانی قوم حقیقی آزادی کے لیے ایک بار پھر تاریخ رقم کرے گی۔
#امپورٹڈ_حکومت_نامنظور pic.twitter.com/7XMmA3CZGR— PTI (@PTIofficial) April 20, 2022
انہوں نے کہا کہ مہم کے تحت ملک بھر میں نوجوانوں کے کنونشنز کا انعقاد کیا جائے گا، عمران خان نوجوانوں کو پارٹی کی فیصلہ سازی میں شامل کریں گے۔
عثمان ڈار کا کہنا ہے کہ عمران خان نے مجھے اب ایک نئی ذمہ داری سونپ دی ہے، میرا عزم ہے کہ میں اسے بہترین انداز میں نبھاؤں گا، نوجوان تیار رہیں آپ کا کپتان آپ سے ملنے آ رہا ہے۔
چیئرمین پاکستان تحریک انصاف عمران خان کا کہنا ہے کہ خودار پاکستان کی جنگ خودار نوجوانوں کی مدد سے لڑیں گے، نوجوان میری تحریک کا کلیدی حصہ ہوں گے۔
انہوں نے مزید کہا کہ پاکستان کے نوجوان باشعور ہیں اور اب وہ اچھے اور برے میں فرق سمجھ چکے۔
