لاہور: پاکستان تحریک انصاف کے چیئرمین عمران خان کا کہنا ہے کہ پی ٹی آئی اور حامیوں پر ظلم کی انتہا ختم نہیں ہورہی ہے۔
اے آر وائی نیوز کے مطابق سماجی رابطے کی ویب سائٹ ٹوئٹر پر پی ٹی آئی چیئرمین عمران خان نے لکھا کہ ’پرویز الٰہی کے گھر پر دوبارہ چھاپے کی شدید مذمت کرتا ہوں، اقدام کرنے والے سمجھتے ہیں کہ اس طرح پی ٹی آئی کمزور ہوگی۔
انہوں نے لکھا کہ ایک سیاسی جماعت صرف اپنا ووٹ بینک کھونے سے کمزور ہوتی ہے، پی ڈی ایم میں شامل جماعتیں ووٹ بینک کھو کر کمزور ہوچکی ہیں۔
عمران خان نے کہا کہ خوف پیدا کرنے کی ایسی حرکتوں سے پی ٹی آئی کے لیے ہمدردی بڑھ رہی ہے۔
Strongly condemn the police raid yet again on the residence of Ch Pervez Elahi.
No end to yazeediyat launched on PTI and its supporters.The mindset behind this tyranny is that this will weaken the party.
A political party only weakens when it loses its vote bank, as have all…— Imran Khan (@ImranKhanPTI) May 25, 2023
گزشتہ روز عمران خان کا کہنا تھا کہ پاکستان کےمسائل میرے ہٹنے سے حل ہو جاتے ہیں تو اس کیلئے تیار ہوں، پہلے بھی مذاکراتی کمیٹی بنی تھی کہتی تھی کہ اکتوبر میں الیکشن ہوں گے اب بھی مذاکرات کے لیے کمیٹی بنانے کو تیار ہوں۔
ان کا کہنا تھا کہ کیا ان کو نظر نہیں آرہا کہ پاکستان ہر گزرتے دن کیساتھ نیچےجا رہا ہے اکتوبر میں الیکشن ہونے سے مسائل حل ہوجائیں تو بتا دیں اگر اکتوبر میں یہ مسائل حل ہوسکتےہیں تواس کیلئےبھی تیار ہوں۔
