اسلام آباد: پاکستان تحریک انصاف کے چیئرمین عمران خان کا کہنا ہے کہ سانحہ مستونگ پر دکھ ہے پہلی فرصت میں مستونگ جاؤں گا۔
تفصیلات کے مطابق پاکستان تحریک انصاف کے چیئرمین عمران خان نے گزشتہ روز بلوچستان کے ضلع مستونگ میں بلوچستان عوامی پارٹی کی کارنر میٹنگ میں ہونے والے دھماکے پر شدید دکھ کا اظہار کیا ہے۔
عمران خان نے کہا ہے کہ وہ پہلی فرصت میں مستونگ جائیں گے۔
Am deeply saddened by the Mastung tragedy and will be flying over on the first opportunity.
— Imran Khan (@ImranKhanPTI) July 14, 2018
دوسری جانب پاکستان پیپلز پارٹی کے چیئرمین بلاول بھٹو نے بھی سماجی رابطے کی ویب سائٹ ٹویٹر پر کہا کہ معصوم پاکستانیوں پر مسلسل حملوں پر غمزدہ ہوں۔
انہوں نے کہا کہ سراج رئیسانی سمیت بے گناہ شہریوں کا خون رائیگاں نہیں جانا چاہیئے۔ اس مائنڈ سیٹ کی شکست کو یقینی بنایا جائے۔
بلاول بھٹو کا کہنا تھا کہ اظہار یکجہتی کے لیے سیاسی سرگرمیاں معطل کردی ہیں۔
Devastated by continued attacks on innocent Pakistanis. loss of shaheed Siraj Raisani & 120 innocent people in Mastung cannot be in vain must insure this mindset is defeated. Have suspended my political activities in solidarity.
— BilawalBhuttoZardari (@BBhuttoZardari) July 14, 2018
خیال رہے کہ گزشتہ روز ضلع مستونگ میں بلوچستان عوامی پارٹی کی کارنر میٹنگ میں خوفناک دھماکہ ہوا تھا جس میں بی اے پی کے انتخابی امیدوار سراج رئیسانی سمیت 129 افراد شہید ہوگئے۔
رواں سال انتخابات کے دوران انتخابی امیدواروں پر کیا جانے والا یہ تیسرا حملہ ہے۔
بنوں میں گزشتہ روز متحدہ مجلس عمل کے امیدوار اکرم درانی کے قافلے پر بم حملہ کیا گیا تھا جس کے نتیجے میں 4 افراد جاں بحق اور 35 زخمی ہوئے جبکہ اکرم درانی محفوظ رہے۔
واضح رہے کہ اس سے قبل 10 جولائی کو پشاور کے علاقہ یکہ توت میں عوامی نیشنل پارٹی کی انتخابی مہم کے دوران خودکش دھماکہ ہوا تھا جس میں اے این پی کے امیدوار ہارون بلور شہید ہوگئے تھے۔ دھماکے میں مزید 21 افراد بھی شہید ہوئے تھے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
