The news is by your side.

یہ انقلاب بیلٹ باکس سے نرم ہوگا یا خونریزی سے تباہ کن؟ عمران خان کا سوال

اسلام آباد : سابق وزیراعظم عمران خان نے سوال کیا کہ آیا یہ انقلاب بیلٹ باکس سے نرم ہوگا یا خونریزی سے تباہ کن ہوگا۔

تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ جی ٹی روڈ پر ہمارے مارچ کے ہمراہ عوام کا سمندر، میں6ماہ سےملک میں ایک انقلاب کامشاہدہ کررہاہوں، سوال یہ ہے آیا یہ بیلٹ باکس سے نرم ہوگایاخونریزی سے تباہ کن؟

یاد رہےحقیقی آزادی مارچ میں اے آر وائی نیوز سے خصوصی گفتگو میں عمران خان نے کہا کہ یہ عام لانگ مارچ نہیں بلکہ انقلاب ہے، پرامن انقلاب آئے یا تباہی والا،تبدیلی توآنی ہے۔

ان کا کہنا تھا کہ ارشد شریف کی طرح موت قبول ہے،غلامی نہیں،عوام میں شعور آچکا،لانگ مارچ دیکھ لیں،عوام کےاس سمندرکوکوئی نہیں روک سکتا، اب قوم انتخابات کےلئےتیار ہوچکی، نئےالیکشن کےسوا کوئی راستہ نہیں۔

Comments

یہ بھی پڑھیں