اسلام آباد : سابق وزیراعظم عمران خان کا کہنا ہے کہ تخت بائی اتوار کے ضمنی انتخاب اور ہمارے اسلام آباد مارچ کیلئےتیار ہے۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹویٹر پر تخت بھائی جلسے کی ویڈیو شیئر کی۔
عمران خان نے پیغام میں لکھا ‘ تخت بائی اتوار کے ضمنی الیکشن کے ساتھ ساتھ ہمارے اسلام آباد مارچ کیلئے بھی تیارہے، ہمارا ملک کبھی کسی مقصد کیلئے اتنا متحرک نہیں ہوا جتنا حقیقی آزادی کیلئے ہے۔
Takhtbai ready for Sunday’s bye election as well as our Islamabad march. Never has our country been so mobilised behind a cause as it is for Haqiqi Azadi. pic.twitter.com/4nNTdMlZXo
— Imran Khan (@ImranKhanPTI) October 14, 2022
گذشتہ روز چیئرمین پی ٹی آئی عمران خان نے ضمنی انتخابات کے حوالے سے قوم کے نام پیغام میں کہا تھا کہ 16 اکتوبر بروز اتوار آپ کےحلقوں میں ضمنی انتخاب ہونے والا ہے، یہ ضمنی انتخاب اس ملک کی تاریخ کاسب سےاہم انتخاب ہے، جس میں فیصلہ ہوگا کیا ملک حقیقی آزادہوگایامسلط ٹولےکی غلامی میں رہے گا۔
عمران خان نے عوام سے اپیل کی اپنےملک اوربچوں کےمستقبل کےلئےنکلیں، یہ انتخاب ایک آزاد اور خود مختار پاکستان کے لئے جہاد ہے۔