گستاخانہ خاکے ہرمسلمان کامسئلہ ہے، اقوام متحدہ کے سامنے معاملہ اٹھائیں گے: وزیراعظم
The news is by your side.

Advertisement

گستاخانہ خاکے ہرمسلمان کامسئلہ ہے، اقوام متحدہ کےسامنے معاملہ اٹھائیں گے: وزیراعظم

مسلمان ممالک اوآئی سی کے پلیٹ فارم پر اکٹھے ہو کر یواین کو اپنے تحفظات سے آگاہ کریں

اسلام آباد: وزیراعظم عمران خان نے کہا ہے کہ گستاخانہ خاکے ہرمسلمان کامسئلہ ہے،اقوام متحدہ کےسامنے یہ معاملہ اٹھائیں گے.

ان خیالات کا اظہار انھوں نے اپنے خصوصی ویڈیو پیغام میں کیا. وزیراعظم نے کہا کہ نیدرلینڈزمیں شائع  ہونے والے گستاخانہ خاکے ایک سنگین مسئلہ ہے.

عمران خان کا کہنا تھا کہ حضرت محمدﷺہمارےدل میں رہتےہیں، ان کی شان میں گستاخی سے ہم سب کوتکلیف ہوتی ہے.

وزیراعظم نے کہا کہ تمام مسلمان ممالک مل کرہی مغرب کو سمجھا سکتے ہیں، مسلمان ممالک اوآئی سی کے پلیٹ فارم پر اکٹھے ہو کر یواین کو اپنے تحفظات سے آگاہ کریں.

مزید پڑھیں: گستاخانہ خاکے: ہالینڈ سے سفارتی تعلقات منقطع کرنے کے لیے پٹیشن دائر

ان کا کہنا تھا کہ اوآئی سی کےممبرممالک سےبات چیت شروع کردی ہے، اقوام متحدہ کے سامنے یہ معاملہ اٹھائیں گے، مسلم امہ اوآئی سی کے فورم سے اقوام متحدہ میں بات کرے.

وزیراعظم نے کہا کہ شاہ محمودقریشی کو اس حوالے سے ہدایات دے دی ہیں، وزیرخارجہ نےکئی مسلم ممالک سےرابطےشروع کردیے ہیں، وزیر خارجہ اقوام متحدہ میں اس حوالےسےمیٹنگزکریں گے، انشااللہ ہم مضبوط و منظم احتجاج کریں گےاورکامیاب ہوں گے.

Comments

comments

یہ بھی پڑھیں