The news is by your side.

Advertisement

عمران خان تقریباً 3 کروڑ 86 لاکھ 94ہزار روپے سے زائد اثاثوں کے مالک

اسلام آباد : پاکستان تحریک انصاف کے سربراہ عمران‌ خان 3 کروڑ 86 لاکھ 94 ہزار روپے سے زائد اثاثوں کے مالک ہیں جبکہ رواں سال ان کے اثاثوں میں 23لاکھ روپے سے زائد کی کمی ہوئی۔

تفصیلات کے مطابق پاکستان تحریک انصاف نے عمران خان کے اثاثوں کی تفصیلات جاری کردیں،انصاف ڈاٹ پی کے ویب سائٹ پر عمران خان کے اثاثوں کی تفصیلات موجود ہے جبکہ ویب سائٹ پر کاغذات نامزدگی کے ساتھ بیان حلفی بھی اپ لوڈ کیا گیا ہے۔

جاری تفصیلات کے مطابق عمران خان تقریباً 3 کروڑ 86 لاکھ 94 ہزار روپے سے زائد اثاثے رکھتے ہیں جبکہ رواں سال عمران خان کے اثاثوں میں23لاکھ روپے سے زائد کی کمی واقع ہوئی۔

عمران خان نے 168 ایکڑ زرعی اراضی پر 3 لاکھ 19 ہزار روپے کا زرعی ٹیکس2017 میں اداکیا، 2017 کی سالانہ آمدن 47 لاکھ 76 ہزار 611روپے ظاہر کی جبکہ سالانہ آمدن پر ایک لاکھ 3763 روپے انکم ٹیکس ادا کیا گیا۔


مزید پڑھیں : عمران خان بھی کروڑوں روپے کے اثاثوں کے مالک نکلے


پی ٹی آئی چیئرمین کی زیر کفالت افراد میں بشرٰی بی بی، قاسم خان اور سلیمان خان کو ظاہر کیا گیا ہے، بنی گالہ جائیداد 1کروڑ 14 لاکھ 71ہزار روپے ظاہرکی گئی جبکہ بنی گالہ میں ہی 6 کنال کی اراضی کی مالیت 50 لاکھ 50ہزار روپے بتائی گئی ہے۔

عمران خان کا گرینڈحیات پلازہ میں 2 بیڈ کا فلیٹ بھی ظاہر کیا گیا ہے ، گرینڈ حیات پلازہ فلیٹ کی مالیت1 کروڑ 19 لاکھ 70ہزار روپے بنتی ہے۔

اثاثوں کی تفصیلات میں کپتان کی ذاتی ملکیت میں ایک بھی ذاتی گاڑی ظاہرنہیں کی گئی جبکہ 2 لاکھ روپے کے مویشی اور 5 لاکھ روپے مالیت کا فرنیچر بھی عمران خان کی ملکیت میں شامل ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں