چیئرمین تحریک انصاف اور سابق وزیراعظم عمران خان ساتھیوں سمیت ڈی آئی خان سے بنی گالا جا رہے تھے کہ اس دوران ہیلی کاپٹر میں فنی خرابی پیدا ہوگئی۔
پائلٹ نے اڈیالہ گاؤں کے قریب ہیلی کاپٹر کی ہنگامی لینڈنگ کروائی گئی۔ اس دوران گاؤں کے قریب ہی نوجوان اور بچے کرکٹ کھیلنے میں مصروف تھے جو عمران خان کو دیکھ کر خوش ہوگئے نوجوانوں نے چیئرمین پی ٹی آئی کے ساتھ تصاویر بنوائیں اور گفتگو بھی کی۔
نوجوانوں اور بچوں سے قومی کرکٹ ٹیم کے سابق کپتان عمران خان نے موجودہ کرکٹرز کے حوالے سے سوالات کیے۔
اس موقع پر عمران خان نے فاسٹ بولر حارث رؤف کی تعریف کی اور کہا کہ وہ بڑا زبردست بولر ہے جس پر نوجوانوں نے بھی ان کی تائید کی۔
انہوں نے بچوں سے پوچھا کہ آپ کو کونسا کرکٹر پسند ہے انہوں نے شاہنواز دہانی کا نام لیا جبکہ نوجوانوں کی جانب سے شاہین شاہ آفریدی کو پسندیدہ بولر قرار دیا گیا ہے۔
Khan sahab praising Shaheen Afridi and Haris Rauf. ❤️ pic.twitter.com/5gQFHWoKu1
— Saith Abdullah (@SaithAbdullah99) October 8, 2022
واضح رہے کہ سہ فریقی سیریز میں قومی ٹیم نے نیوزی لینڈ کو 6 وکٹوں سے شکست دی ہے، کپتان بابر اعظم کو شاندار نصف سنچری اسکور کرنے پر میچ کا بہترین کھلاڑی قرار دیا گیا۔
