لاہور : سابق وزیراعظم عمران خان کا کہنا ہے کہ 6 ماہ قبل پیش گوئی کی تھی حکومتی تبدیلی کی سازش معیشت پیچھے دھکیل دے گی۔
تفصیلات کے مطابق سابق وزیراعظم عمران خان نے سماجی رابطے کی ویب سائٹ ٹوئٹر پر اپنے بیان میں کہا کہ 6 ماہ قبل پیش گوئی کی تھی حکومتی تبدیلی کی سازش معیشت پیچھے دھکیل دے گی، کہا تھا یہ عمل ہمارے قرضوں کی ادائیگی کی صلاحیت تباہ کر دے گی، 3دہائیوں تک حکومت کرنیوالے2خاندانوں میں معیشت مضبوط کرنے کی قابلیت نہیں۔
As I had predicted 6 months back that the regime change conspiracy would throw our economy into tailspin destroying our capability to service our debts. The two crooked families who ruled Pakistan for almost 3 decades never had the integrity or competence to build our economy. pic.twitter.com/fASSw2wo6q
— Imran Khan (@ImranKhanPTI) November 18, 2022
گذشتہ روز حقیقی آزادی مارچ کے شرکا سے ویڈیو لنک کے ذریعے گفتگو میں عمران خان نے کہا تھا کہ آج ملک کا ڈیفالٹ رسک 80 فیصد ہونا لمحہ فکریہ ہے، اس کا مطلب کوئی بھی باہر کا کمرشل بینک پاکستان کو قرضہ نہیں دے گا، ہمارے دور میں زرمبادلہ کے ذخائر ریکارڈ سطح پر تھے۔
عمران خان کا کہنا تھا کہ ’زرمبادلہ کے ذخائر، ایکسپورٹ اور ترسیلات زر کم ہو رہی ہیں اور قرضہ بڑھ رہا ہے، روپیہ گرتا دیکھ کر ابھی سے لوگ ڈالر خریدنا شروع ہو جائیں گے، سرمایہ کاری کے بجائے لوگ ڈالر خریدنا شروع ہو جاتے ہیں، اس سے مہنگائی مزید بڑھے گی اور غربت میں بھی اضافہ ہوگیا۔‘