پشاور : چیئرمین تحریک اںصاف عمران خان نے کے پی یا گلگت بلتستان منتقل ہونے کی تجویز مسترد کرتے ہوئے مشکلات کا مقابلہ کرنے کا اعلان کردیا۔
تفصیلات کے مطابق پاکستان تحریک انصاف کے سینئر رہنماؤں نے چیئرمین عمران خان کو کے پی یا گلگت بلتستان منتقل ہونے کی تجویز دے دی۔
ذرائع نے بتایا کہ سینئر رہنماؤں نے تجویزمیں کہا کہ انتقامی کارروائی سے بچنے کیلئے عمران خان کو محفوظ جگہ منتقل ہونا چاہیے۔
چیئرمین عمران خان نے تجاویز مسترد کرکے مشکلات کا مقابلہ کرنے کا اعلان کرتے ہوئے کہا آئین و قانون کے دائرے میں رہ کر سیاسی جدوجہد جاری رکھیں گے،قوموں پر مشکل حالات آتے ہیں، گھبرانے کی ضرورت نہیں۔
تحریک انصاف نے ماہ صیام میں زمان پارک کے تحفظ کیلئے پلان بھی تشکیل دے دیا ، ہر ڈویژن سے3،3 یوم تک کارکن زمان پارک میں موجود رہیں گے۔
ذرائع نے بتایا کہ 3 روز بعد کارکنوں کو تبدیل کرکے دوسرے ڈویژن سے کارکن ڈیوٹی دیں گے۔
