بنی گالا: تحریک انصاف کے چیئرمین اور سابق وزیراعظم عمران خان نے شہباز گل کی گرفتاری پر ردعمل دے دیا۔
سماجی رابطے کی ویب سائٹ ٹویٹر پر سابق وزیراعظم عمران خان نے ردعمل دیتے ہوئے لکھا کہ یہ اغوا ہے گرفتاری نہیں کیا ایسی شرمناک حرکتیں کسی جمہوریت میں ہوسکتی ہیں۔
انہوں نے کہا کہ سیاسی کارکنوں کے ساتھ دشمنوں جیسا سلوک کیا جارہا ہے یہ سب بدمعاشوں کی غیرملکی حمایت یافتہ حکومت کو قبول کرنے کے لیے کیا جارہا ہے۔
چیئرمین پی ٹی آئی نے شہباز گل کے ڈرائیور کا بیان بھی شیئر کردیا۔
شہباز گل کے ڈرائیور کا کہنا تھا کہ عمران خان چوک سے شہبازگل کو گرفتارکیا گیا ان کو ہتھکڑیاں پہنائی گئیں اور گھسیٹا گیا۔
ڈرائیور کا کہنا تھا کہ گاڑی کے شیشے توڑے گئے جیسے کوئی دہشت گرد ہو ان کے ساتھ مجھ پر تشدد کیا گیا۔
This is an abduction not an arrest. Can such shameful acts take place in any democracy? Political workers treated as enemies. And all to make us accept a foreign backed government of crooks. pic.twitter.com/3NYS1BCjtf
— Imran Khan (@ImranKhanPTI) August 9, 2022
نشریات کی بندش: اے آر وائی کی لائیو ٹرانسمیشن یہاں دیکھیں
واضح رہے کہ پاکستان تحریک انصاف کے سینئر رہنما شہباز گل کو اسلام آباد سے گرفتار کرکے بغاوت کا مقدمہ درج کیا گیا ہے۔
سابق وفاقی وزیر اور پی ٹی آئی رہنما مراد سعید نے تصدیق کی ہے کہ شہباز گل کو گرفتار کر لیا گیا ہے۔ انہوں نے مزید کہا کہ حکومت بوکھلاہٹ کا شکار ہے۔
مراد سعید نے بتایا کہ شہباز گل کی گاڑی کے شیشے بھی توڑے گئے ہیں اور ڈرائیور پر تشدد بھی کیا گیا۔
جبکہ فواد چوہدری نے اس حوالے سے بتایا کہ شہباز گل کو بنی گالہ چوک سے بغیر نمبر پلیٹ گاڑیوں میں آئے لوگوں نے اغوا کیا۔
