اسلام آباد : چیئرمین تحریک انصاف عمران خان نے کہا ہے کہ کرپشن کے خلاف رائیونڈ مارچ اور جلسہ ضرور ہوگا تاہم اگر ہمیں طاقت کے ذریعے روکنے کی کوشش کی گئی تو اس کی ذمہ دار مسلم لیگ ن خود ہوگی۔
Imran Khan says date for Raiwind March could be… by arynews
ان خیالات کا اظہار انہوں نے اسلام آباد میں اپنی رہائش گاہ بنی گالہ کے باہر میڈیا سے گفتگو کرتے ہوئے کیا۔ عمران خان کا کہنا تھا کہ پاکستان کا سب سے بڑا مسئلہ کرپش ہے اور یہ ملک کو دیمک کی طرح چاٹ رہی ہے جس کی ہم گزشتہ 30 سالوں سے نشاندہی کررہے ہیں۔
پڑھیں: عمران خان کا 24ستمبر کو رائے ونڈ کی طرف مارچ کا اعلان
مزید پڑھیں: رائیونڈکسی کی جاگیر نہیں،لوگوں کو رائیونڈ لے کرجائیں گے، عمران خان
خبر پڑھیں: عمران خان کا ایاز صادق کو اسپیکر ماننے سے انکار
پی ٹی آئی کے سربراہ نے کہا کہ ’’جب آصف علی زرداری ملک کے صدر تھے تو ایوانِ صدر کا گھیراؤ کیا گیا تاہم اب مسلم لیگ ن رائیونڈ مارچ پر دھمکیاں دے رہی ہے مگر ہم گھبرائیں گے نہیں اور وہاں جلسہ ضرور کریں گے۔
پنجاب پولیس پر تبصرہ کرتے ہوئے کپتان نے کہا کہ ’’پنجاب پولیس میں ایک عسکری ونگ ہے اگر مارچ کے دوران صوبائی حکومت نے پولیس کے ذریعے طاقت کا استعمال کیا صورتحال خراب ہوجائے گی‘‘۔
حکومت کے رویے پر تبصرہ کرتے ہوئے عمران خان کا کہنا تھا کہ ’’جمہوری حکومت اور آمریت میں کوئی فرق نظر نہیں آتا، پرویز مشرف کے بعد سے آج تک کوئی ایسا ادارہ نہیں بنایا گیا جو خومختار اور آزاد ہو۔
