اسلام آباد : سابق وزیراعظم عمران خان نے عدالت میں کہا ہے کہ انویسٹی گیشن میں شامل ہونے کے لئے تیار ہوں، چاہتا ہوں لاہور ہائی کورٹ کے فیصلے کی طرز پر جے آئی ٹی انویسٹی گیشن کرلے۔
تفصیلات کے مطابق اسلام آباد کی انسداد دہشت گردی عدالت میں سابق وزیراعظم عمران خان کے کیسز کی سماعت ہوئی، عمران خان روسٹرم پر آئے۔
سابق وزیر اعظم نے عدالت میں اپنے بیان میں کہا کہ جب بھی گھر سے نکلتا ہوں جان کو رسک پر ڈالتا ہوں، وزیر داخلہ بھی کہہ چکے کہ میری جان کو خطرات ہیں۔
عمران خان کا کہنا تھا کہ انویسٹی گیشن میں شامل ہونے کے لئے تیار ہوں، چاہتا ہوں لاہور ہائی کورٹ کے فیصلے کی طرز پر جے آئی ٹی انویسٹی گیشن کرلے۔
جس پر عدالت نے برہم ہوتے ہوئے کہا کہ جے آئی ٹی آج عدالت میں بھی موجود نہیں ، جے آئی ٹی سنجیدہ ہوتی تو آج عدالت میں موجود ہوتی، جے آئی ٹی ٹیم عدالت آکر بتائے کہ وہ کیسے شامل تفتیش کرنا چاہتے ہیں۔
جج کا کہنا تھا کہ جےآئی ٹی آدھےگھنٹےمیں آکر بتائے کہ وہ کیسےعمران خان کوشامل تفتیش کرنا چاہتے ہیں ، بعد ازاں عدالت نے عمران خان کو جانے کی اجازت دے دی۔
