صوابی: چیئرمین پاکستان تحریک انصاف عمران خان نے ہر قسم کی رکاوٹوں کو عبور کرتے ہوئے ڈی چوک پہنچنے کا اعلان کردیا ہے۔
تفصیلات کے مطابق صوابی انٹر چینج پر ” حقیقی آزادی مارچ” کے شرکا سے خطاب کرتے ہوئے عمران خان نے کہا کہ صوابی انٹرچینج سے سب کو پیغام دینا چاہتا ہوں کہ ہم ساری رکاوٹیں عبور کرکے اسلام آباد ڈی چوک پہنچیں گے، انہوں نے شرکا کو مخاطب کرتے ہوئے کہا کہ راستےمیں رکاوٹیں ہیں، کیا آپ ان کنٹینرز کو ہٹانے کیلئےتیار ہیں۔
عمران خان نے کہا کہ جب ڈیزل لانگ مارچ کررہا تھا ،بلاول نے بھی لانگ مارچ کیا، ہم نے کسی کو لانگ مارچ سے نہیں روکا تھا، کوئی رکاوٹ نہیں رکھی تھی امپورٹڈ حکومت سن لو ! ہمیں کوئی رکاوٹ نہیں روک سکتی، انشااللہ ہم اس ملک کو اکٹھا کرکے ایک آزاد قوم بنارہےہیں،جو کبھی کسی کی غلامی نہیں کرےگی۔
صوابی انٹر چینج پر شرکا سے خطاب کرتے ہوئے عمران خان نے شہباز حکومت کو آڑے ہاتھوں لیتے ہوئے کہا کہ یہ چوروں کا ٹولہ ہےجس میں امریکا کے نوکر اور کرپٹ ترین لوگ ہیں، یہ ٹولہ خوف زدہ ہے جس نے پورے پاکستان میں کنٹینرز لگادیئے، ہمیں عوام سے کوئی ڈر نہیں بلکہ ان کو عوام سے خوف ہے، انہوں نے ہمارے لوگوں کو گرفتار کیا، رات کو گھروں میں چھاپے مارے، پولیس نےدیواریں پھلانگ کر ہمارے لوگوں کو پکڑا اور تنگ کیا۔
Would urge everyone to carry the Pakistan flag with them. This is a defining moment today for the Haqiqi Azaadi of Pakistan.#حقیقی_آزادی_مارچ pic.twitter.com/RXUPKFyYgQ
— Imran Khan (@ImranKhanPTI) May 25, 2022
اس سے قبل اپنے آفیشل ٹوئٹر اکاؤنٹ سے چیئرمین پی ٹی آئی عمران خان نے ٹوئٹ کیا کہ پاکستان کی حقیقی آزادی کے لیے آج فیصلہ کن دن ہے، سب سے گزارش ہے کہ پاکستان کا جھنڈا ساتھ لے کر آئیں۔
