کراچی : وزیر اعظم عمران خان8مارچ کو ایک روزہ دورے پر تھر پارکر پہنچیں گے، اس موقع پر وہ چھاچھرو میں جلسے سے بھی خطاب کریں گے۔
تفصیلات کے مطابق وزیراعظم عمران خان آٹھ مارچ کو ایک روزہ دورے پر تھرپارکر پہنچیں گے جہاں وہ جلسہ عام سے بھی خطاب کریں گے۔
وزیراعظم عمران خان کے ہمراہ وزیرخارجہ شاہ محمود قریشی اور دیگر رہنما بھی ہوں گے، جلسے کے حوالے سے انتظامات مکمل کرلیے گئے ہیں۔
اس حوالے سے ذرائع کا کہنا ہے کہ وزیراعظم عمران خان تھر کے دورے کے دوران تھرکول میگا منصوبے کا جائزہ لیں گے اور تھر پارکر کے لئے خصوصی پیکج کا اعلان بھی کریں گے۔
ذرائع کے مطابق سابق وزیر اعلیٰ سندھ سردار ارباب غلام رحیم بھی وزیراعظم عمران خان سے ملاقات کریں گے، ارباب غلام رحیم کی اپنے ساتھیوں کے ہمراہ پی ٹی آئی میں شمولیت متوقع ہے۔
وزیر اعظم عمران خان کی آمد سے قبل رکن قومی اسمبلی لال مالھی اور دیگر رہنماؤں نے چھاچھرو پہنچ کر جلسہ گاہ اور دیگر انتظامات کا جائزہ لیا ہے۔
