کراچی: عمران خان نے سوشل میڈیا پر میدان مار لیا،چیئرمین تحریک انصاف عمران خان ٹوئٹر پر چالیس لاکھ فالوورز کے ساتھ پاکستان کے سب سے زیادہ مقبول ترین سیاست دان بن گئے۔
سوشل میڈیا ایک ایسا ذریعہ ہے جو لوگوں کو اظہار رائے ، تبادلہ خیال ، پیغام تصاویر اور ویڈیوز شیئر کرنے کی اجازت دیتا ہے، جس کی مقبولیت میں دن بہ دن تیزی سے اضافہ ہو رہا ہے، اب سوشل میڈیا کی دوڑ میں سیاستدان بھی کسی سے پیچھے نہیں۔
کپتان نے سوشل میڈیا کا میدان مار لیا جبکہ پاکستان کے تمام سیاستدان پیچھے رہ گئے، تحریک انصاف کے سربراہ عمران خان سماجی رابطے کی ویب سائٹ ٹوئٹر پر چالیس لاکھ فالوورز کے ساتھ مقبول ترین سیاستدان بن گئے۔
پاکستانی تمام سیاستدانوں میں عمران خان ٹاپ پوزیشن پر ہیں جبکہ ان کے حریف وزیراعظم میاں نوازشریف کی صاحبزادی مریم نواز اکیس لاکھ فالورز کیساتھ دوسرے نمبر پر ہیں۔
تحریک انصاف کے رہنما اسد عمر بیس لاکھ اور شہباز شریف سترہ لاکھ فالورز کیساتھ مقبول سیاستدانوں کی فہرست میں آتے ہیں۔
پاکستان پیلزپارٹی کے چیئرمین بلاول بھٹو زرداری چودہ لاکھ فالورز کے ساتھ پانچویں نمبر پر ہیں۔
