پاکستان تحریک انصاف کے چیئرمین اور سابق وزیراعظم عمران خان نے کہا ہے کہ امپورٹڈ سرکار مکمل طور پر بے سمت بھٹک رہی ہے۔
عمران خان نے سماجی رابطوں کی ویب سائٹ ٹوئٹر پر موجودہ حکومت کو کڑی تنقید کا نشانہ بناتے ہوئے آئی ایم ایف اور عالمی بینک رپورٹس ہیں کہ پاکستان کی معیشت بلندی کی جانب جا رہی تھی، لیکن موجودہ حکومت مستحکم ہوتی معیشت کو تباہی کے گھڑے میں گرنے سے بچانے میں ناکام رہی۔
آئی ایم ایف اور عالمی بنک کی رپورٹس سے ظاہر ہے کہ بلندی کی جانب گامزن ایک مستحکم معیشت ملنے کے باوجود یہ امپورٹڈ حکومت معیشت کو تباہی کے گھڑے میں گِرنےسےبچانےمیں ناکام رہی۔اقتصادی سروے اس حقیقت کا عکاس ہے کہ ہماری معاشی کارکردگی گزشتہ 70 برسوں میں بہترین تھی۔
— Imran Khan (@ImranKhanPTI) September 16, 2022
سابق وزیراعظم نے کہا کہ اقتصادی سروے اس حقیقت کا عکاس ہے کہ ہمارے دور میں معاشی کارکردگی 70 سال میں بہترین تھی، شرحِ نمو6 فیصد، صنعت، زراعت، فراہمی روزگار بلند سطح پر رہیں، تعمیرات، برآمدات، ترسیلات زر اور ٹیکسز کی وصولیاں بھی تاریخ میں بلند سطح پر رہیں، لیکن آج پاکستان کو بدترین مہنگائی کا سامنا ہے اور سماج کا ہر طبقہ اس کی زد میں ہے، بیروزگاری، غذائی عدم تحفظ اور روپے کی قدر میں گراوٹ کا سامن اہے۔
عمران خان نے اپنے ٹوئٹ میں مزید کہا کہ مجرموں کے گروہ کا واحد کارنامہ یہ ہے کہ انہوں نے اپنے چوری کئے گئے اربوں روپے پر ایک اور این آر او حاصل کرلیا، لیکن ایک سوال جو قوم کی زبان پر ہے وہ یہ کہ پاکستان کیخلاف اس مکروہ سازش کا ذمہ دار کون ہے؟
امپورٹڈ سرکار مکمل طور پر بےسمت بھٹک رہی ہے۔ مجرموں کے اس گروہ کا واحد کارنامہ یہ ہے کہ انہوں نے پاکستان کے چوری کئے گئے اربوں روپے پر ایک اور NRO حاصل کرلیا ہے۔ ایک سوال جو پوری قوم کی زبان پر ہے وہ یہ کہ؛ پاکستان کیخلاف اس مکروہ سازش کا ذمہ دار کون ہے؟
— Imran Khan (@ImranKhanPTI) September 16, 2022
