پاکستان تحریک انصاف کے چیئرمین اور سابق وزیراعظم عمران خان نے پنجاب ہیلتھ کارڈ اسکیم بلاک کرنے کی پر زور مذمت کی ہے۔
اے آر وائی نیوز کے مطابق پی ٹی آئی چیئرمین اور سابق وزیراعظم عمران خان نے حکومت کی جانب سے پنجاب ہیلتھ کارڈ اسکیم بلاک کرنے کی شدید مذمت کی ہے اور اس حوالے سے سماجی رابطوں کی سائٹ ٹوئٹر پر اظہار خیال کیا ہے۔
عمران خان نے اپنے ٹویٹ میں کہا ہے کہ مہنگائی کے دور میں پنجاب ہیلتھ کارڈ آبادی کے لیے نعمت تھا پنجاب ہیلتھ کارڈ اسکیم بلاک کرنے کی پر زور مذمت کرتا ہوں۔
پی ٹی آئی چیئرمین نے مزید کہا کہ نجی شعبہ صحت بھی دیہی علاقوں میں اسپتال قائم کرنے کے عمل میں تھا۔ عوامی سہولت ختم کرنا ان دو کرپٹ خاندانوں کی گھٹیا ذہنیت کی عکاسی ہے۔
مزید یہ کہ اس منصوبے کے باعث نجی شعبہ دیہی علاقوں میں اسپتال قائم کرنے کے عمل سے گزر رہا تھا۔ اس پورے منصوبے کو صحت کے موضوعات پر چھپنے والے عالمی جریدے ”لینسٹ“ نے سراہا۔ اس منصوبے کا خاتمہ ان دونوں خاندانی جماعتوں کی سفاک ذہنیت کی عکاسی کرتا ہے
— Imran Khan (@ImranKhanPTI) February 6, 2023
