پاکستان تحریک انصاف کے سربراہ عمران خان نے سپریم کورٹ کے فیصلے کا خیر مقدم کرتے ہوئے ججز کو خراج تحسین پیش کیا ہے۔
پاکستان تحریک انصاف کے سربراہ اور سابق وزیراعظم عمران خان نے سپریم کورٹ کے فیصلے پر سماجی رابطوں کی ویب سائٹ ٹوئٹر پر ٹوئٹ کرتے ہوئے عدالت عظمیٰ کے فیصلے کا خیر مقدم کیا ہے۔
عمران خان نے اپنے ٹوئٹ میں سپریم کورٹ کے فیصلے کا خیر مقدم کرتے ہوئے کہا ہے کہ سپریم کورٹ کے ججز کو قانون اور آئین کی خاطر ڈٹ کر کھڑے ہونے پر خراج تحسین پیش کرتا ہوں۔
پی ٹی آئی چیئرمین نے مزید لکھا ہے کہ سپریم کورٹ کے ججز تمام دباؤ اور بد زبانی کے باوجود ڈٹے رہے۔ میں بیرسٹر علی ظفر اور ان کی ٹیم کا بھی شکریہ ادا کرتا ہوں۔
&
I appreciate our SC judges for standing firm & upholding the Constitution & law, against all manner of threats & abuse. I want to thank Barrister Ali Zafar & his team. I want to thank the people of Punjab for coming out in unprecedented numbers in bye elections against rigging.
— Imran Khan (@ImranKhanPTI) July 26, 2022
nbsp;
سابق وزیراعظم نے اپنے ٹوئٹ میں پنجاب ضمنی الیکشن میں اپنا حق رائے دہی استعمال کرنے کے لیے بڑی تعداد میں گھروں سے نکلنے پر پنجاب کے عوام کا بھی شکریہ ادا کیا ہے۔
واضح رہے کہ سپریم کورٹ نے ڈپٹی اسپیکر کی رولنگ کو کالعدم قرار دے کر چوہدری پرویز الہٰی کو وزیراعلیٰ پنجاب قرار دیا ہے اور گورنر پنجاب کو آج رات ساڑھے گیارہ بجے ان سے حلف لینے کا حکم دیا ہے۔
