پاکستان تحریک انصاف کے چیئرمین اور سابق وزیراعظم عمران خان نے سینیٹر اعظم سواتی کو فوری طور پر رہا کرنے کا مطالبہ کیا ہے۔
اے آر وائی نیوز کے مطابق عمران خان نے اعظم سواتی کی فوری رہائی کا مطالبہ اپنے سماجی رابطوں کی ویب سائٹ پر اپنے ایک ٹوئٹر پیغام میں کیا ہے۔
عمران خان نے اپنے ٹوئٹ میں سینیٹر اعظم سواتی کے ساتھ انتقامی سلوک کی مذمت کرتے ہوئے اسے افسوسناک قرار دیا ہے اور کہا ہے کہ کوئٹہ پولیس ان کی جان کو خطرے میں ڈال کر لے گئی ہے۔
پی ٹی آئی چیئرمین نے کہا کہ اعظم سواتی کو آج صبح سینے میں درد اور سانس کی تکلیف پر پمز منتقل کیا گیا تھا۔ جب ٹیسٹ کے نتائج کا انتظار تھا تو کوئٹہ پولیس نے ڈسچارج کراکر گرفتار کرلیا۔
سابق وزیراعظم نے سینیٹر اعظم سواتی کی فوری رہائی کا مطالبہ کرتے ہوئے کہا ہے کہ افسوس انصاف کا نظام بنیادی انسانی حقوق کی خلاف ورزیاں روکنے کو تیار نہیں ہے۔
Equally outrageous is what is being considered such a great crime would in entire civilised world be considered his democratic right to criticise. He must be released immediately. Sad to see our justice system unwilling to stop repeated violations of Swati’s basic human rights.
— Imran Khan (@ImranKhanPTI) December 2, 2022
