site
stats
پاکستان

سرکاری وسائل کے بے دریغ استعمال کے سامنے یاسمین راشد نے بھرپور مقابلہ کیا، عمران خان

اسلام آباد : چیئرمین تحریک انصاف نے کہا ہے کہ مسلم لیگ (ن) کی جانب سے سرکاری وسائل اور مشینری کے بے دریغ استعمال کے باوجود یاسمین راشد نے بھرپور مہم چلائی اور جرات و بہادری کے ساتھ اشرافیہ کا مقابلہ کیا۔

سماجی رابطے کی ویب سائٹ ٹوئٹر پر اپنے ایک پیغام میں سربراہ تحریک انصاف عمران خان نے کہا کہ این اے 120 سے تھریک انصاف کی امیدوار یاسمین راشد اور تمام کارکنان نے دن رات محنت کر کے ن لیگ کا بھرپور مقابلہ کیا جس پر میں کارکنان کو خراج تحسین پیش کرتا ہوں.

انہوں نے کہا کہ میں خصوصی طور پر خاتون کارکنان کا شکر گذار ہوں جنہوں نے تمام تر مخالفت اور دباؤ کے باوجود انتھک محنت کرتے ہوئے کلثوم نواز کا مقابلہ کیا اور ووٹرز کی بڑی تعداد کو گھر سے نکالا.

انہوں اپنی ایک اور ٹیوٹ میں تحریک انصاف کی امیدوار ڈاکٹر یاسمین راشد کو مسلم لیگ (ن) کو ٹف ٹائم دینے پر شاباش دی اور ان کی سرگرم اور متحرک انتخابی مہم کو سراہا جس نے زیادہ طاقت ور مخالف کو مشکل میں ڈالے رکھا.


 این اے120 کا معرکہ، گنتی کا عمل جاری، غیر حتمی غیر سرکاری نتائج آنا شروع


خیال رہے آج لاہور میں ہونے والے این اے 120 کے ضمنی الیکشن میں مسلم لیگ (ن) کی امیدوار کلثوم نواز نے تحریک انصاف کی یاسمین راشد کو 13 ہزار ووٹوں سے شکست دے دی ہے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top