اسلام آباد : چیئرمین پاکستان تحریک انصاف عمران خان نے کہا ہے کہ نواز شریف کا مسلم لیگ (ن) کا صدر منتخب ہونا ایس ہی ہے جیسے پاگلوں نے پاگل خانے پر قبضہ کرلیا ہو۔
یہ بات چیئرمین تحریک انصاف عمران خان نے سماجی رابطے کی ویب سائٹ ٹوئٹر پر اپنے پیغام میں کہی، انہوں نے نواز شریف کو تنقید کا نشانہ بناتے ہوئے کہا کہ مسلم لیگ (ن) نے نااہل شخص کو دوبارہ صدر منتخب کرکے ثابت کردیا ہے کہ یہ ایک پاگل خانے ہے جس پر پاگلوں نے قبضہ کرلیا ہے۔
PMLN electing NS as their party head is akin to a takeover of the asylum by lunatics!
— Imran Khan (@ImranKhanPTI) October 4, 2017
چیئرمین تحریک انصاف نے کہا کہ ایک اناہل شخص کی اتنی پذیرائی کی جارہی ہے اور ایسے آؤ بھگت کی جا رہی ہے کہ جیسے کوئی بہت معتبر کام کیا ہو، کرپٹ شخص کی آؤ بھگت کرنا قیامت کی نشانی ہے۔
When the corrupt are feted it is qiamat ki nishani. https://t.co/keGn2YVie3
— Imran Khan (@ImranKhanPTI) October 4, 2017
خیال رہے کہ سپریم کورٹ سے نااہل ہونے کے بعد نواز شریف کو جہاں وزیراعظم کے عہدے سے ہاتھ دھونا بیٹھا وہیں وہ پارٹی صدارت کے بھی اہل نہ رہے تاہم مسلم لیگ (ن) نے عددی اکثریت کی بنیاد پر انتخابی اصلاحات میں ترمیم کرنے کے بعد نواز شریف کو دوبارہ صدرمنتخب کرلیا۔
اسی سے متعلق : نوازشریف بلامقابلہ مسلم لیگ (ن) کے صدر منتخب
یاد رہے انتخابی اصلاحات ترمیمی بل سینیٹ اور قومی اسمبلی سے اکثریت سے رائے منظور کرلیا گیا جس کے لیے سینیٹ میں کچھ اراکین کی غیرحاضری اور ایم کیوا یم پاکستان کے سینیٹر میاں عتیق کی اپنے پارٹی کی مخالفت کرتے ہوئے مسلم لیگ (ن) کو ووٹ نے بآسانی بل منظور ہوگیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
