لاہور: چیئرمین پی ٹی آئی عمران خان کا کہنا ہے کہ ہم قائداعظم محمدعلی جناح کےتصورپاکستان کی حقیقت پانے میں ناکام رہے۔
تفصیلات کے مطابق سماجی رابطے کی ویب سائٹ ٹوئٹر پر جاری بیان میں سابق وزیراعظم نے کہا کہ قانون کی حکمرانی کے ذریعےعدل وانصاف شہریوں کوقانون کی نگاہ میں برابر بناتا ہے،قانون کی حکمرانی حقیقی آزادی،خودمختاری اور حقوق کےتحفظ کی راہموارکرتا ہے۔
چیئرمین پی ٹی آئی کا کہنا تھا کہ قانون کی حکمرانی سے ریاستی وحکومتی اشرافیہ کے تسلط سےتحفظ ملتاہے، مگر بدقسمتی سے پاکستان میں قانون کی حکمرانی کو قدم جمانےکی اجازت نہیں دی گئی، اشرافیہ کی گرفت نےطاقتورمافیاز کو قانون سےیوں بالاتر بنایا کہ گویا یہ انکا استحقاق تھا،ان تمام رکاوٹوں کے باعث ہم قائداعظم محمدعلی جناح کےتصورپاکستان کی حقیقت پانے میں ناکام رہے۔
This in turn protects them from elite capture of the State & govt. Unfortunately in Pakistan bec Rule of Law was never allowed to be established, elite capture of the country has allowed powerful institutions & mafias to remain above the law as if it was their right.
— Imran Khan (@ImranKhanPTI) December 25, 2022
بعد ازاں سینئرصحافیوں سے گفتگو میں عمران خان نے کہا کہ اسٹیبلشمنٹ سے کوئی رابطہ نہیں، لگتا ہے اپریل میں الیکشن میں جارہے ہیں، انہوں نے کہا جب دو اسمبلیاں ٹوٹیں گی تو انتخاب تو کرانا پڑے گا۔
یہ بھی پڑھیں:’قائداعظم کی سالگرہ پر ہم شرمندہ ہیں، ملک کا بیڑہ غرق کردیا‘
اپنی گفتگو میں عمران خان کا کہنا تھا کہ اچھا کھلاڑی وہی ہوتا ہے جو ہر بال نہ کھیلے، ہم 11جنوری سے پہلے اعتماد کا ووٹ لے لیں گے،مجھے یقین ہے کہ پرویز الہٰی اسمبلیاں توڑے گا۔
