اسلام آباد: پاکستان تحریک انصاف کے چیئرمین عمران خان کا کہنا ہے کہ اقامہ نے بے نقاب کردیا کہ نواز شریف اور خاندان نے لوٹی دولت کی کس طرح منی لانڈرنگ کی۔
تفصیلات کے مطابق سماجی رابطوں کی ویب سائٹ ٹویٹر پر عمران خان نے ٹویٹ کرتے ہوئے کہا کہ اقامہ نے بے نقاب کردیا کہ نواز شریف اور خاندان نے لوٹی دولت کی کس طرح منی لانڈرنگ کی۔
انہوں نے کہا کہ نواز شریف جانتے تھے کہ اقامے کے پیچھے ان کی منی لانڈرنگ کی پوری ٹریل موجود ہے۔ کیپٹل ایف زیڈ ای کے ذریعے پیسہ یو کے اور سعودی عرب بھیجا گیا۔
انہوں نے مزید کہا کہ پیسہ شریف خاندان کے ذاتی اکاؤنٹس اور کمپنیوں میں منتقل ہوا۔
یاد رہے کہ گزشتہ روز اے آر وائی نیوز نے ایف زیڈ ای اور اقامہ سے متعلق خبر نشر کی تھی جس کے مطابق کیپیٹل ایف زیڈ ای شریف خاندان کی منی لانڈرنگ کا مرکز تھا۔
نواز شریف کو 31 دسمبر 2009 کو ایف زیڈ ای سے ایک ملین ڈالر بھیجے گئے۔ نواز شریف نے اپنے بینک اسٹیٹمنٹ میں یہ رقم تحفے کے طور پر ظاہر کی جبکہ کیپیٹل ایف زیڈ ای سے رقوم برطانیہ، اور سعودی عرب منتقل کی گئیں۔
ذرائع کا کہنا ہے کہ برطانیہ، سعودی عرب منتقلی پھر رقوم شریف خاندان کے ذاتی اکاؤنٹس میں گئیں۔ کیپیٹل ایف زیڈ ای سے شریف خاندان کو رقوم خاص طریقے سے بھیجی گئیں۔ سپریم کورٹ نے نواز شریف کو اسی کمپنی کا اقامہ ظاہر نہ کرنے پر نااہل کیا۔
ذرائع کے مطابق منی لانڈرنگ کا انکشاف شریف خاندان کے خلاف انکوائری میں ہوا۔ کیپیٹل ایف زیڈ ای کے بینک اسٹیٹمنٹ کاروباری امور بتانے سے قاصر ہیں جبکہ کیپیٹل ایف زیڈ ای کے اکاؤنٹس میں صرف رقوم کی منتقلی کا انکشاف ہوا۔
So the Iqama reveals the manner in which Nawaz Sharif and family did their money laundering of looted wealth. 2/2 pic.twitter.com/R0udj7PCUx
— Imran Khan (@ImranKhanPTI) January 1, 2018
NS knows very well that behind the Capital FZE Co Iqama of his lies a whole trail of money laundering that is now being unravelled. Pattern of money flows through Capital FZE reveal money being routed through UK,KSA & then into personal accounts & companies of Sharif family. 1/2 pic.twitter.com/ovV0Vn4WLz
— Imran Khan (@ImranKhanPTI) January 1, 2018
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
