اسلام آباد : پاکستان تحریک انصاف کے سربراہ عمران خان کا کہنا ہے کہ 3دن سےحیران ہوں کیامیں نےکوئی بینک لوٹاہے، ،کیا شادی کی خواہش رکھنا بڑا جرم ہے ؟ چاہنےوالوں سے کہتا ہوں دعا کریں ذاتی خوشیاں حاصل کروں۔

تفصیلات کے مطابق چیئرمین پی ٹی آئی عمران خان نے اپنی شادی کی خبروں سے متعلق سماجی رابطے کی ویب سائٹ ٹوئٹر پر اپنے بیان میں کہا کہ 3دن سے حیران ہوں کیامیں نے کوئی بینک لوٹا ہے، اربوں روپےکی منی لانڈرنگ کی یاماڈل ٹاؤن جیسےقتل عام کاحکم دیا، ،کیا شادی کی خواہش رکھنا بڑا جرم ہے ؟

عمران خان کا کہنا تھا کہ نوازشریف اورمیرشکیل مافیا نےقابل ملامت میڈیا مہم چلائی، مہم مجھے متاثرنہیں کرسکتی کیونکہ عزت اللہ دیتا ہے۔

پی ٹی آئی چیئرمین نے کہا کہ میری تشویش میرےبچوں اوربشریٰ بیگم کےروایتی خاندان کیلئےہے، نوازشریف،میرشکیل کی بدنیتی پرمبنی مہم میں نشانہ بنایاجارہاہے، مہم سےمیرےبچوں اوربشریٰ بیگم کےخاندان کونشانہ بنایا جارہا ہے۔

انکا ایک اور ٹوئٹ میں کہنا تھا کہ نوازشریف اورمیرشکیل جان لیں ان کیخلاف لڑنےکاعزم اورمضبوط ہوا، میں شریف خاندان کو40سال سےجانتاہوں، اپنی سطح سےگرکراس کی تفصیلات بےنقاب نہیں کروں گا۔

عمران خان نے کہا کہ چاہنے والوں سے کہتا ہوں دعا کریں ذاتی خوشیاں حاصل کروں، میں نے چند سالوں کے علاوہ ذاتی زندگی میں خوشیوں سےمحروم رہا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔