عمران خان نے کہا ہے کہ شریف خاندان مخالفین کو بلیک میل کر رہا ہے۔ آف شور کمپنیز پر وضاحت نہیں دی جا رہی۔ انہوں نے جہانگیر ترین کا دفاع کرتے ہوئے کہا کہ شریف برادران کی جب جب حکومت آئی ان کے بینک اکاؤنٹس نے ترقی کی۔
کپتان کھلاڑی کا دفاع کرنے میدان میں آگئے۔ وزیر اعظم نواز شریف پر بلیک میلنگ کا الزام لگا دیا۔ ٹوئٹر پر انہوں نے کہا کہ نواز شریف پاناما لیکس پر پوزیشن واضح کرنے کے بجائے سیاسی مخالفین کو بلیک میل کر رہے ہیں۔
To divert attention from Panama Leaks, Sharif govt has launched a massive media campaign on "development” at tax payer expense. 1/3
— Imran Khan (@ImranKhanPTI) April 27, 2016
2/3 Sharifs development is always at tax payer expense & more on media, especially TV ads, than on the ground.
— Imran Khan (@ImranKhanPTI) April 27, 2016
3/3 Whenever Sharifs come to power the only dev that takes place is in their bank accounts/ businesses & nation’s human development plummets
— Imran Khan (@ImranKhanPTI) April 27, 2016
تحریک انصاف کے سربراہ نے جہانگیر ترین کے خلاف پروپیگنڈا کرنے والوں کے خلاف قانونی چارہ جوئی کا بھی اعلان کردیا۔ انہوں نے کہا کہ جہانگیر ترین نے قرضے معاف نہ کروانے کے دستاویزی ثبوت فراہم کر دیے ہیں۔ ن لیگی حکومت میں ہیں، کسی کے خلاف شواہد ہیں تو تحقیقات کرے۔
عمران خان نے مزید کہا کہ شریف برادران جب جب حکومت میں آئے ان کے بینک اکاؤنٹس نے ترقی کی۔ حکومت پاناما لیکس سے توجہ ہٹانے کے لیے عوام کے پیسوں سے اشتہارات چلا رہی ہے۔
