ادارے مضبوط نہیں اس لیے کرپشن عام ہے،عمران خان -
The news is by your side.

Advertisement

ادارے مضبوط نہیں اس لیے کرپشن عام ہے،عمران خان

بنی گالہ : تحریک انصاف کے چیرمین عمران خان نے اپنے خصوصی ویڈیو پیغام میں کہا ہےکہ تمام ریاستی اداروں سےانصاف نہ ملنے کے بعد رائے ونڈ مارچ کا فیصلہ کیا ہے۔

اپنے ویڈیو پیغام میں عمران خان نے بیرون ملک پاکستانیوں سے کرپشن کے خاتمے کے لیے کی جانے والی مہم میں مدد کی درخواست کرتے ہوئے کہا کہ اوورسیز پاکستانیوں نے خورشید خانم کیسر اسپتال کے موقع پر کھول کر مدد کی تھی اب بھی پاکستان کے اداروں کی بقاء کے لیے اپنا کردار ادا کرٰنا چاہیے۔

انہوں نے مزید کہا کہ وزیر اعظم اپنی کرپشن میں پکڑے گئے ہیں جس کے بعد چھ مہینے سے ملک کے ہر ادارے کا دروازے پر دستک دے رہے ہیں،پارلیمنٹ میں، الیکشن کمیشن گئے،عدالت بھی گئے نیب میں درخواست بھی جمع کرائی لیکن کہیں سے انصاف نہیں ملا۔

اس لیے انتہائی قدم اُٹھاتے ہوئے 30 ستمبر کو پاکستان کی تاریخ کا سب سے بڑا اجتماع کرنے جا رہے ہیں بڑی تعداد میں لوگ رائے ونڈ مارچ کا حصہ بنیں گے تا کہ کرپشن کے خلاف انصاف ملے،پاکستان میں آج تک صرف ٖغریب جیل جاتا تھا ہے جب کہ بڑا طبقہ جو سب سے زیادہ کرپشن کرتا ہے وہ محفوظ رہتا ہے۔

جو خوشحال ممالک ہیں ان کے ادارے مضبوط ہیں وہاں کرپشن کم ہے جب کہ جو غریب ممالک ہیں وہاں ادارے کمزور ہیں جس کی وجہ سے وہاں کرپشن زیادہ ہے اب پاکستان اپنی تاریخ کے فیصلہ کن موڑ پر ہےاب نوازشریف نہیں بلکہ نیب سمیت ملک کے بعض اہم ادارے ٹرائل پرہیں۔

آخر میں انہوں نے کہا کہ رائے ونڈمارچ ملکی کاز ہے ایک مشن ہے جس کی تکمیل کے لیے مجھے اوورسیز میں موجود پاکستانیوں کی مدد دکار ہے جس طرح خورشید خانم میموریل اسپتال کے لیے فنڈنگ دی تھی اسی طرح ملک کو کرپشن سے نجات دلانے کے لیے اپنا بھر پور کردار ادا کریں۔

Comments

comments

یہ بھی پڑھیں