The news is by your side.

قاتلانہ حملہ : عمران خان اپنی تحریر کردہ درخواست کے مطابق ایف آئی آر کے خواہشمند

لاہور : چیئرمین پی ٹی آئی عمران خان قاتلانہ حملے کے خلاف اپنی تحریر کردہ درخواست کے مطابق ایف آئی آر کے خواہشمند ہیں۔

تفصیلات کے مطابق وزیر آباد میں عمران خان پر حملے کیخلاف ایف آئی آر کے اندراج کے معاملے پر چیئرمین پی ٹی آئی سے تحریک انصاف کے رہنماؤں کی ملاقات ہوئی۔

جس میں وزیراباد واقعے کی ایف ائی آر کے اندراج میں تاخیر کا جائزہ لیا گیا اور مشاورت میں سپریم کورٹ کی طرف سے مقدمے کے اندراج کیلئے پنجاب پولیس کو جاری ہدایات پر بھی غور کیا گیا۔

ذرائع کا کہنا ہے کہ عمران خان اپنی تحریر کردہ درخواست کے مطابق ایف آئی آر کے خواہشمند ہیں کہ نامزد افراد کے خلاف ایف آئی آر کا اندراج ہونا چاہئے۔

عمران خان نے کہا کہ ہم درخواست میں ملزم نامزد کر چکے ہیں ان کے خلاف ایف ائی آر درج ہونی چاہئیے۔

مقدمہ کے مدعی زبیر خان نیازی نے بتایا کہ تھانہ وزیراباد میں وکلاء بیٹھے ہوئے ہیں لیکن سپریم کورٹ کے حکم کے باوجود کوئی پیش رفت نہیں ہوئی مجبور ہو کر پولیس کمپلنٹ سنٹر میں آن لائن درخواست جمع کروائی۔

اس سے قبل چیئرمین پی ٹی آئی عمران خان سے وزیراعلیٰ پنجاب پرویزالہٰی کی ملاقات ہوئی ، جس میں وزیرآباد حملے کی ایف آئی آر کے اندراج پر مشاورت کی گئی۔

ذرائع کا کہنا تھا کہ ملاقات میں سپریم کورٹ کے حکم کے تحت ایف آئی آر درج کرنے والے معاملے پر مشاورت کی گئی جبکہ عمران خان سے ایڈووکیٹ جنرل پنجاب احمد اویس بھی ملے۔

Comments

یہ بھی پڑھیں