تحریک انصاف کے وفد کی ایاز صادق سے ملاقات، تحفظات دور کرنے کی یقین دہانی imran khan
The news is by your side.

Advertisement

تحریک انصاف کے وفد کی ایاز صادق سے ملاقات، تحفظات دور کرنے کی یقین دہانی

اسلام آباد: تحریک انصاف کے رہنماؤں نے اسپیکر قومی اسمبلی ایاز صادق سے ملاقات کی اور وزیر اعظم کی تقریب حلف برداری میں شرکت کی دعوت دی۔

تفصیلات کے مطابق پاکستان تحریک انصاف کے وفد نے اسپیکر قومی اسمبلی ایاز صادق سے اسپیکر ہاؤس میں ملاقات کی، تحریک انصاف کے وفد میں نامزد اسپیکر قومی اسمبلی اسد قیصر، پرویز خٹک، فواد چوہدری، شفقت محمود شامل تھے۔

ملاقات کے بعد میڈیا سے گفتگو کرتے ہوئے فواد چوہدری نے کہا کہ تحریک انصاف (ن) لیگ سمیت دیگر پارلیمانی جماعتوں سے ورکنگ ریلیشنز کے قیام کو اہم سجھتی ہے، تحریک انصاف کی جانب سے وزیر اعظم کی تقریب حلف برداری میں تمام جماعتوں کے پارلیمانی رہنماؤں کو طلب کیا جائے گا۔

اسپیکر قومی اسمبلی ایاز صادق نے کہا کہ پی ٹی آئی ایوان کے معاملات مشاورت سے چلانا چاہتی ہے اور قومی اسمبلی انتخابات کے معاملات پر بات چیت کے لیے تیار ہے، بطور اسپیکر پہلے اجلاس کی کارروائی قواعد و ضوابط کے تحت چلاؤں گا۔

دوسری جانب پی ٹی آئی کا وفد آج شام خورشید شاہ سے بھی ملاقات کرے گا، ملاقات پارلیمنٹ لاجز میں ہوگی، ملاقات سے پہلے پی ٹی آئی کا وفد ایم کیو ایم کی قیادت سے بھی ملے گا، پی ٹی آئی کے نامزد اسپیکر اسد قیصر خالد مقبول صدیقی سے ملاقات کریں گے۔

ملاقات میں سیاسی صورت حال، مرکز میں پی ٹی آئی کی حمایت اور دیگر امور پر بات ہوگی، بی این پی مینگل سربراہ اختر مینگل سے بھی پی ٹی آئی وفد کی ملاقات طے ہے، تحریک انصاف کے سینئر رہنما شام 6 بجے اختر مینگل سے ملاقات کریں گے۔

ادھر قومی اسمبلی میں اسپیکر کے انتخابات کے لیے نامزد اسپیکر کا فہمیدہ مرزا سے رابطہ ہوا ہے، فہمیدہ مرزا نے پی ٹی آئی کے امیدوار کی حمایت کی یقین دہانی کرائی ہے۔

خیال رہے کہ کل 13 اگست کو قومی اسمبلی کا افتتاحی اجلاس بلایا گیا ہے جس میں نو منتخب اراکین اسمبلی حلف اُٹھائیں گے۔

Comments

comments

یہ بھی پڑھیں