لاہور : تحریک انصاف کے رہنما فیصل جاوید کا کہنا ہے کہ عمران خان پرسوں 26 نومبر کو دوپہر ایک بجے راولپنڈی میں ملکی تاریخ کے سب سے بڑے اور پر امن احتجاج کی قیادت کریں گے۔
تفصیلات کے مطابق تحریک انصاف کے رہنما فیصل جاوید نے سماجی رابطے کی ویب سائٹ ٹوئٹر پر اپنے پیغام میں کہا کہ عمران خان 26 نومبر کو دوپہر ایک بجے راولپنڈی میں احتجاج کی قیادت کریں گے۔
فیصل جاوید کا کہنا تھا کہ عوام کا مطالبہ ہے کہ بحرانوں سے نکلنے کے لئے الیکشن کا اعلان کیا جائے، یہ پاکستان کا اور پاکستان کے غریب عوام کا مسئلہ ہے۔
انشاء اللہ عمران خان پرسوں 26 نومبر کو دوپہر ایک بجے راولپنڈی میں ملکی تاریخ کے سب سے بڑے اور پر امن احتجاج کی قیادت کرینگے- عوام کا مطالبہ ہے کہ بحرانوں سے نکلنے کے لئے الیکشن کا اعلان کیا جائے- یہ پاکستان کا اور پاکستان کے بالخصوص غریب عوام کا مسلہ ہے-
#ملتے_ہیں_پنڈی_میں— Faisal Javed Khan (@FaisalJavedKhan) November 24, 2022
دوسری جانب تحریک انصاف کے رہنما شاہ محمودقریشی نے سماجی رابطے کی ویب سائٹ ٹوئٹر پر اپنے بیان میں کہا کہ ان شااللہ 26نومبرکوملک بھرسےقافلےراولپنڈی پہنچیں گے، چیئرمین پی ٹی آئی عمران خان پرامن احتجاج کی قیادت کریں گے۔
شاہ محمودقریشی کا کہنا تھا کہ حقیقی آزادی کی اس تحریک میں ہمارا ساتھ دیں، 26 نومبرکوسب کایہی مطالبہ ہوگا،امپورٹڈحکومت کاخاتمہ ،فوری الیکشن۔
انشاءاللہ 26 نومبر کو ملک بھر سے قافلے راولپنڈی پہنچیں گے جہاں چیئرمین عمران خان پرامن احتجاج کی قیادت کریں گے۔
حقیقی آزادی کی اس تحریک میں ہمارا ساتھ دیں۔ 26 نومبر کو سب کا یہی مطالبہ ہوگا، امپورٹڈ حکومت کا خاتمہ اور فوری الیکشن! #ملتے_ہیں_پنڈی_میں pic.twitter.com/wd4LUG2H0n— Shah Mahmood Qureshi (@SMQureshiPTI) November 24, 2022
