سابق وزیر اعظم عمران خان نے خیبر پختونخوا کے علاقے ایبٹ آباد میں پاکستان تحریک انصاف کے جلسے کے دوران رونے والے بچے کو ملاقات کے لیے اپنے گھر بنی گالہ بلا لیا ہے۔
اے آر وائی نیوز کے مطابق محمد ابوبکر ایبٹ آباد جلسے میں چیئرمین پی ٹی آئی عمران خان سے ملنے آیا تھا۔ بچہ عمران خان سے ملاقات نہ ہونے پر جلسہ گاہ میں روتا رہا تھا۔
عمران خان نے ویڈیو دیکھ کر ابوبکر کو ملاقات کے لیے اپنے گھر بنی گالہ بلالیا۔ ابوبکر عمران خان سے مل کر جذباتی ہوگیا اور ایک بار پھر رو پڑا۔
یہ وہ لگاو ہے جو پاکستان کے بچے بچے کوخان صاحب سے ہے۔ کیسے کوئی روک سکتا ہے ایسے لیڈر کو؟
This is the adulation Imran Khan has from even the kids of the nation! Who can stop this phenomenon from taking back his rightful mantle as Prime Minister? pic.twitter.com/SoDKCFC0RY
— Zartaj Gul Wazir (@zartajgulwazir) May 12, 2022
سابق وزیر اعظم عمران خان نے بچے کے سر پر ہاتھ رکھا اور کہا ہ رونے کی کیا بات ہے؟ عمران خان نے گلے لگایا کہا کہ تمہیں ابھی بڑے کام کرنے ہیں۔
ننھا ابوبکر عمران خان کے لیے انگوٹھی کا تحفہ بھی لایا۔ عمران خان نے ننھے فین کی انگوٹھی پہن لی اور تصاویر بھی بنوائیں۔
عمران خان نے بچے کی فرمائش پر قمیض پر آٹو گراف بھی دیا۔
