پشاور: پاکستان تحریک انصاف کے چیئرمین عمران خان نے بغیر کسی اور سیکیورٹی اورپروٹوکول پشاور کی سڑکوں پر سفر کیا۔
تفصیلات مطابق پی ٹی آئی چیئرمین نے سیکیورٹی اور پروٹول کے بغیر سفر کیا، اس دوران نہ تو ناکے لگا کر سڑکوں کو بند کیا گیا، نہ ہی عوام کے لیے کسی نوع کی پریشانی کھڑی کی گئی۔
پی ٹی آئی کی جانب سے جاری کردی ویڈیو میں دیکھا جاسکتا ہے کہ عمران خان پشاور کی سڑکوں پر محو سفر گاڑی کی اگلی نشست پر بیٹھے ہیں۔ ان کے ساتھ ان کی پارٹی ارکان ہے، جب کہ سابق وزیر اعلیٰ کے پی پرویز خٹک گاڑی چلا رہے ہیں۔
پی ٹی آئی کے ٹویٹر ہینڈلر کے مطابق متوقع وزیر اعظم عمران خان اپنے کامریڈز (نظریاتی ساتھی) کے ہمراہ بنا کسی پروٹوکول ، سڑکیں بند کیے بغیر، عوام کی زندگی میں رخنہ ڈالے بنا، عام شہریوں کی طرح پشاور کی سڑکوں سے گزرے رہے ہیں۔
واضح رہے کہ یہ ویڈیو نیب پشاور سے لوٹتے ہوئے بنائی گئی تھی، جس پی ٹی آئی رہنما علی زیدی نے ٹویٹ کیا تھا. ویڈیو میں علی زیدی بھی موجود ہیں۔
ویڈیو میں پی ٹی آئی چیئرمین پارٹی قائدین کے ساتھ پروٹوکول اور پشاور کی صورت حال پر گفتگو کر رہے ہیں۔
No protocol, no road blockade, driving like an ordinary citizen of Pakistan :: PM elect @ImranKhanPTI along with his comrades passing through the roads of #Peshawar without causing any inconvenience to the Peshawar people #KPKUpdates pic.twitter.com/02bwcJhl1J
— PTI (@PTIofficial) August 7, 2018
