پاکستان تحریک انصاف کے سربراہ اور سابق وزیراعظم عمران خان کا خطاب براہ راست نشر کرنے پر عائد پابندی کو چیلنج کردیا گیا ہے۔
اے آر وائی نیوز کے مطابق پی ٹی آئی سندھ کے صدر علی زیدی نے عمران خان کا خطاب براہ راست نشر کرنے کے پیمرا نوٹیفکیشن کو سندھ ہائیکورٹ میں چلینج کردیا ہے۔
اے آروائی نیوز براہِ راست دیکھیں live.arynews.tv پر
علی زیدی کی جانب سے دائر درخواست میں وفاقی حکومت، پیمرا اور پاکستان براڈ کاسٹ ایسوسی ایشن کو فریق بناتے ہوئے موقف اختیار کیا گیا ہے کہ براہ است خطاب پر پابندی آئین اور قانون کی خلاف ورزی ہے، لہذا عدالت پیمرا نوٹیفکیشن کو ختم کرے۔
پیمرا نے عمران خان کے براہ راست خطاب نشر کرنے پر 20 اگست کو پابندی عائد کرتے ہوئے اس کا نوٹیفکیشن جاری کیا تھا۔
مزید پڑھیں: عمران خان کا خطاب: تحریک انصاف کی نئی حکمت عملی
واضح رہے کہ پیمرا کی پابندی کے بعد پی ٹی آئی نے عمران خان کے خطاب کے حوالے سے نئی حکمت عملی مرتب کرتے ہوئے سماجی میڈیا پیجز پر جلسوں کی کارروائی براہ راست نشر کرنے کا فیصلہ کیا تھا جس سے لوگ عمران خان کا خطاب اپنے موبائل فونز پر دیکھ پائیں گے۔
