لاہور : تحریک انصاف کے چیئرمین عمران خان نے نگراں وزیراعلیٰ پنجاب کی پریس کانفرنس پر ردعمل دیتے ہوئے کہا اتنا جھوٹ بولنے پر کوئی اور مہذب ملک ہوتا تو ان دونوں کو جیل بھیج دیا جاتا۔
تفصیلات کے مطابق چیئرمین تحریک انصاف عمران خان نے سماجی رابطے کی ویب سائٹ ٹوئٹر پر نگراں وزیراعلیٰ پنجاب کی پریس کانفرنس پر ردعمل دیتے ہوئے کہا کہ اتنا جھوٹ بولنے پر کوئی اور مہذب ملک ہوتا تو ان دونوں کو جیل بھیج دیا جاتا، انہوں نےناصرف جھوٹ بولا بلکہ ہماری قوم کی توہین بھی کی۔
عمران خان کا کہنا تھا کہ ایسا ہی ہوتا ہے جب ملک کو خطرناک نالائقوں نے اپنے قبضے میں لے لیا ہے، یہ سمجھتےہیں کہ ہر کوئی ان کی طرح بے وقوف ہے۔
In any civilised country, these two shameless people would have been jailed not just for lying so blatantly but for insulting the intelligence of our nation. This is what happens when the country is taken over by dangerous duffers who believe everyone is as dumb as them. pic.twitter.com/X1511Mlc8l
— Imran Khan (@ImranKhanPTI) March 11, 2023
یاد رہے پنجاب کے نگراں وزیراعلیٰ محسن نقوی نے پریس کانفرنس میں پی ٹی آئی کارکن علی بلال کی موت کو حادثہ قرار دیا تھا۔
نگراں وزیراعلیٰ محسن نقوی کا کہنا تھا کہ گاڑی کے مالک راجا شکیل نے ساری صورتحال یاسمین راشد کو بتادی تھی، جانتے بوجھتے ہوئے ہم پر قتل کا الزام لگایا گیا لیکن میں میں دھمکیوں، گالم گلوچ اور ٹویٹ سے سرنڈر کرنے والا نہیں۔
محسن نقوی نے دعویٰ کیا کہ بلال کے والد کو کروڑ روپے کی آفر بھی کی گئی، عمران خان سے اپیل ہے اپنی سیاست سے جھوٹ والا حصہ نکال دیں۔
