The news is by your side.

عمران خان کا دورہ لاہور، پرویز الہٰی کو مکمل حمایت کا یقین دلائیں گے

 چیئرمین پی ٹی آئی اور سابق وزیراعظم عمران خان آج لاہور پہنچ رہے ہیں جہاں وہ وزیراعلیٰ پنجاب چوہدری پرویز الہٰی سے ملاقات بھی کرینگے۔

اے آر وائی نیوز کے مطابق چیئرمین پی ٹی آئی عمران خان لاہور میں وکلا کنونشن سے خطاب کے بعد وزیراعلیٰ پنجاب چوہدری پرویز الہٰی سے ملاقات کریں گے۔

ذرائع کا کہنا ہے کہ اس ملاقات میں عمران خان چوہدری پرویز الہٰی کو اپنی مکمل حمایت کا یقین دلائیں گے جب کہ وزیراعلیٰ پنجاب انہیں وفاقی حکومت کی جانب سے صوبے میں کی جانیوالی مداخلت سے آگاہ کریں گے۔

ذرائع نے بتایا کہ ملاقات کے دوران 25 مئی تشدد کے واقعے میں ملوث افسران کیخلاف کارروائی سے متعلق فیصلہ کیا جائیگا جب کہ عمران خان سے تحریک انصاف کے صوبائی رہنما، وزرا، ارکان بھی ملاقات کریں گے، سینیئر صوبائی وزیر میاں اسلم کی جانب سے پارٹی سربراہ کے اعزاز میں عشائیہ بھی دیا جائیگا۔

واضح رہے کہ کچھ دنوں سے ن لیگی رہنماؤں کی جانب سے پنجاب حکومت کے جلد خاتمے کے تواتر کے ساتھ بیانات میڈیا میں آرہے ہیں۔

یہ بھی پڑھیں: سی سی پی او لاہور غلام محمود پر وفاقی اور پنجاب حکومت میں ٹھن گئی

دوسری جانب سی سی پی او لاہور غلام محمود ڈوگر پر وفاقی اور پنجاب حکومتوں میں ٹھن گئی ہے، وزیر اعلیٰ نے غلام محمود کو چارج چھوڑنے سے روک دیا ہے۔

Comments

یہ بھی پڑھیں