پنجاب کا نیا حکمران کون ہوگا؟ اعلان آج متوقع
The news is by your side.

Advertisement

پنجاب کا نیا حکمران کون ہوگا؟ اعلان آج متوقع

اسلام آباد : پنجاب میں حکومت سازی کے لئے تحریک انصاف کی جانب سے وزیراعلٰی پنجاب کے امیدوار کے نام کا اعلان آج متوقع ہے، وزیراعلیٰ کے لئے یاسمین راشد یا علیم خان کا نام پر زیرغور ہے جبکہ کوئی نیا چہرہ بھی منتخب ہوسکتا ہے۔

تفصیلات کے مطابق پنجاب میں حکومت سازی کے لئے تحریک انصاف کے سربراہ عمران خان کی زیرصدارت پارلیمانی پارٹی کا اجلاس اسلام آباد میں آج دوپہردو بجے ہوگا۔

پارلیمانی پارٹی کے اجلاس میں وزیراعلیٰ پنجاب کے امیدوار کی نامزدگی متوقع ہے، وزیراعلیٰ کے لئے یاسمین راشد یا علیم خان کا نام پر زیرغور ہے جبکہ کوئی نیا چہرہ بھی منتخب ہوسکتا ہے۔

اجلاس میں اسپیکراورڈپٹی اسپیکر پنجاب اسمبلی کے امیدواروں کے لئے بھی ناموں پر غور ہوگا۔

اجلاس میں پی ٹی آئی میں شامل ہونے والے آزاد ارکان بھی شامل ہوں گے جبکہ منتخب اراکین پنجاب اسمبلی کو شرکت کی ہدایت کردی گئیں ہیں۔

دوسری جانب تحریک انصاف نے پنجاب میں حکومت سازی کے لیے ممبران کی تعداد مکمل کرلی ہے اور دعویٰ کیا ہے 29 آزاد ارکان میں سے 25ارکان تحریک انصاف میں شامل ہوچکے ہیں۔


مزید پڑھیں : تحریکِ انصاف کا پنجاب اسمبلی میں 186 ارکان کی حمایت کا دعویٰ


تاہم نون لیگ انتخابات میں اکثریت حاصل کرنے کے باوجود نمبر گیم میں پیچھے رہ گئی اور صرف ایک آزاد امیدوارکی حمایت حاصل کرسکی۔

خیال رہے کہ پنجاب اسمبلی کا ایوان 371 ارکان پر مشتمل ہے، پی ٹی آئی کے دعوے کے مطابق اسے 186 ارکان کی حمایت مل گئی ہے۔

واضح رہے کہ پنجاب اسمبلی میں براہ راست منتخب ہونے والے 297 ارکان میں سے 285 حلف اٹھائیں گے، پنجاب اسمبلی کے لیے 6 حلقوں میں ابھی انتخابات ہی نہیں ہو سکے ہیں، جب کہ پی پی 35،78،87،88،93 اور پی پی 103 میں انتخابات ملتوی کیے گئے ہیں۔

Comments

comments

یہ بھی پڑھیں