مدینہ منورہ : پاکستان تحریک انصاف کے سربراہ عمران خان نے رمضان کی27ویں شب مسجد نبوی ﷺ میں عبادت میں گزاری، وہ آج شام عمرہ کی ادائیگی کے لیے مکہ مکرمہ جائیں گے۔
تفصیلات کے مطابق پی ٹی آئی کے چئیرمین عمران خان چارٹرڈ فلائٹ سے سعودی عرب کے دو روزہ دورے پر مدینہ منورہ پہنچے، مدینہ منورہ کے شہزادہ محمد بن عبدالعزیز ائرپورٹ پر پی ٹی آئی کے مڈل ایسٹ کوارڈینیٹر ذوالقرنین علی خان اور سعودی افیشل نے ان کا استقبال کیا۔
عمران خان کے ہمراہ ان کی اہلیہ بشری بی بی، ذلفی بخاری، علیم خان ان کی اہلیہ اور عون چوہدری بھی تھے۔
عمران خان مسجد نبوی صلی اللہ علیہ وآلہ وسلم میں اللہ تعالیٰ کی عبادت میں مشغول ہیں pic.twitter.com/aWZVOCQ1hX
— PTI Saudi Arab (Official) (@PTIOfficialKSA) June 11, 2018
چئیرمین تحریک انصاف نے اپنی اہلیہ بشریٰ مانیکا کے ہمراہ مدینہ منورہ میں روضہ رسول ﷺ پر حاضری دی اور نوافل ادا کیے۔
عمران خان نے رمضان المبارک کی ستائیسویں شب مسجد نبوی میں نوافل کی ادائیگی، عبادت اور دعائیں مانگنے میں گزاری، آج وہ عمرہ کے لئے مکہ مکرمہ روانہ ہو جائیں گے۔
ذرائع کے مطابق عمران خان روضہ رسول ﷺ پر حاضری کے بعد جدہ میں شوکت خانم فنڈ ریزنگ افطار ڈنر میں بھی شرکت کریں گے، تقریب کا اہتمام پی ٹی آئی کے مڈل ایسٹ کوارڈینیٹر ذوالقرنین علی خان نے کیا ہے۔
عمران خان عمرے کی ادائیگی کے بعد بدھ کو پاکستان روانہ ہوجائیں گے۔
اس سے قبل عمران خان مدینہ پہنچنے پربغیرجوتوں کےطیارے سےاترے، طیارے سے اترتے ہوئے صرف موزے پہن رکھے تھے جبکہ مسجدنبوی پہنچنے پر ان کو پروٹوکول دیا گیا۔
